صوابی۔1نومبر (اے پی پی):سپیکر راجی اسمبلی اسد قیصر ءَ گوشت کہ سیاست ءِ دکان چمکائینگ ءِ واستہ راجی ادارگ آنی ھلاپ ءَ ایر جنی اپسوزی ات، اے رنگیں جزم ءَ چہ راجی ادارگ آنی سر ءَ ناں بلکینگ ایش وتارا ٹپیگ کنگ ءَ انت، پاکستانی الس پاک اُرد ءِ گوما ھمکوپگ ءَ اوشتاتگ، پاکستان ءِ سلاھ بندیں اُرد قربانی آناں راج ءَ را شرپ مندیں چماں گوں چار ایت۔ آئی ء۔ گوشت کہ پاکستان ءِ راجدپتر ءَ اولی رنگ ءَ معیشت دیمروئی کنگ ءَ انت۔ آئی ایم ایف ءِ کرا روگ گوستگیں حکومت آنی پالیشی بوتگ۔ آءی ءَ گوشت کہ گوستگیں حکومت آنی ناکامیں پالیشی آنی سبب ءَ مرچی الس گوں مشکل آں دیم پہ دیم انت۔ اے ھیالانی درشانی آئی ءَ تحصیل ٹوپی ضلع صوبی ءَ 2 کروڑ 21 لکھ کلدار ءِ کساس ءَ گدون امان زئی فیڈر ءِ بنداتی مراگش ءَ گوں گشتانک دیان ءَ کت۔ اے موہ ءِ سر ءَ بنجاھی وزیر برائے ھاٹیگ عمر ایوب ھم ساڑی ات۔ سپیکرر راجی اسمبلی اسد قیصر ءَ گدون امان زئی فیڈر ءِ گوما سئے ٹوھیں ٹرانسفارمز ھم پٹ کنگ بیت وھدیکہ تحصیل چھوٹا لاہور گرڈسٹیشن ءِ سر ءَ کار ترند کنگ بیت۔ آئی ءَ گوشت کہ صوابی ءَ جان سلامتی، وانگ ءُ زانگ ، توان سوئی گیس ءُ لیب ءُ گوازی ءِ پڑ ءَ گہتری کار ءُ گامگیج چست کتگ ایشانی برورد آں چہ صوابی ءِ الس سیت مند بوھگ ءَ انت۔