اسلام آباد۔30اکتوبر (اے پی پی): بنجاھی وزیر نیک راھی کار نورالحق قادی ءَ گوشت کہ توہین رسالت ءِ واکیہ آنی گر ءُ دار ءِ واستہ کانود جوڑ کنگ لوٹ ایت، مزن وزیر ءِ پنت ءُ شون ءِ پد ءَ شیخ الازہر ءَ گوں تران کنگ بیت، پاکستان ءَ را بچارینگ ءِ واستہ پاک اُرد ءِ قربانی مئے سر ءُ چمان انت، راج اُرد ءَ را بھتام بندوک آناں آوانی بھتام آناں آوانی بھتام آں دپ ءُ دیم ءَ جنت۔ آدینگ ءِ روچ ءَ رحمتہ العالمین ﷺ کانفرنس ءِ گڈی سیشن ءَ گوں گشتانک دیان ءَ کت آئی ءَ گوشت کہ کانفرنس ءَ مزن وزیر عمران خان ءَ ھوار توامیں شریکیں مردم آنی شگر ءُ منت گران گوشت کہ ایش رحمت العالمین ﷺ ءِ محفل انت ارکس ادا اتکگ آ وتی گوما درستیں ھیر آں زور ایت ءُ روت۔ آئی ءَ گوشت کہ پاکستان ءَ ھوار سرجمیں دگنیا ءِ مسلمان آناں نبی کریم ﷺ ءِ ودی بوھگ ءِ روچ ءَ مبارک بات پیش کنان ءَ گوشت کہ واجہ مصطفیٰ بنی کریم ﷺ 1492 قمری سال ءَ ودی بوتگ۔ آئی ءَ گوشت کہ مزن وزیر عمران خان ءَ سرجمیں دگنیا ءِ مملکت آنی سروک آناں نمدی نبشتہ کتگ، آئی ءَ گوشت کہ ما لوٹاں کہ اے ھوالگ ءَ یک میاں اوستمانی کانود ءِ جوڑ بوھگ لوٹ ایت تانکہ آیوکیں وھد ءَ اے رنگیں نہ وشیں واکیہ آناں گر ءُد ار کنگ بہ بیت۔
