اسلام آباد۔30اکتوبر (اے پی پی):صدر مملکت ڈاکٹر عارف علوی ءَ گوشت کہ بنیاتی ھک، چاگردی کار ءُ ایٹماسپئر ءِ ھوالگ ءَ اسلام ءَ سیم سر گیشینتگ انت، اے زانشت آناں لس کنگ ءِ واستہ مسیت منبر ءِ کرد باز ارزشت دار انت، ریاست مدینہ ءِ نیمگ ءَ چاگرد ءِ جوڑیشت مئے واھگ ءُ بنی کریم ﷺ ءِ زندمان مئے واستہ یک روشنائیں کشک ات۔ مارا یکوئی ءُ یک مشتیءَ را دیمروئی دیگ لوٹ ایت، فرانسیسی صدر ءِ اے گامگیج لائک ءِ ایرجنگی ءُ ریاستی تک ءَ نہ وشیں چیز آنی شنگ ءُ تالانی اپسوزی گپ ات۔ میاں اوستمانی تک ءَ نیک راھ آنی شرپ ءِ ھوالگ ءَ کانود جوڑ کنگ ءِ ضلورت انت۔ اے ھیال آنی درشانی آئی ءَ آدینگ ءِ روچ ءَ ادا ائید ملاد النبی ﷺ ءِ رد ءَ راجی رحمت العالمین کانفرنس ءَ گوں گشتانک دیان ءَ کت۔ اے موہ ءِ سر ءَ بنجاھی وزیر نیک راھی کار ءُ نیک راھ آنی وت مہ وتی نزیکی، علامہ نورالحق قادری، مزن وزیر ءِ ھاسیں کمکار برائے موسمی مٹ ءُ بدلی ملک امین اسلم ، وزیر ءِ مملکت زرتاج گل ءُ مزن وزیر ءِ ھاسیں نماھندگ برائے نیک راھی کار علامہ طاہر اشرفی ءَ ھم گشتانک دیان ءَ کت۔
