اسلام آباد۔ 29 اکتوبر (اے پی پی) چیئرمین سینیٹ محمد صادق سنجرانی پارینے کہ ترکی نا پارلیمنٹ و الس کن دا تاریخی وخت آ نیک است خواہی نا درشانی ءِ کینہ۔ ترک آتیکن اینو نادے اسہ تاریخی ءُ دے اسے ہراڑآن برادر ملک ترکی ءِ جمہوریت دُوبس، پاکستان و ترکی نا نیام اٹ برادرانہ تعلقداری ءِ۔ سینیٹ سیکرٹریٹ نا رداٹ داخیال آتا درشانی ءِ او برادر ملک ترکی نا جمہوریت نا 97 سال پورو مننگ نا وخت آ کلہو اٹی کرے۔ چیئرمین سینیٹ پارے کہ ترکی نا پارلیمان و الس ءِ دا عظیم وخت آ است انا حب اٹ مبارکباد پیش کینہ۔ ترکی نا پارلیمنٹ و الس کن دا تاریخی وخت آ نیک است خواہی نا درشانیءِ کینہ۔ پاکستان و ترکی نا نیام اٹ برادرانہ تعلقداری ءِ۔ پاکستان دا تعلقداری تے قدر انا نظراٹ ہرک۔ ہڑتوم آ ملک آک جہانی فورم تیا مدام اسہ ایلو نا موقف نا مخ تفی ءِ کرینو۔ پاکستان برادر ملک ترکی کن مدام زرگزرانی، راجی، سیاسی و سیکورٹی نا بابت کمکاری ءِ برجاتخک۔ ترک الس ءِ پاکستان نا پارلیمان و الس نا کنڈآن دا تاریخی دے آ مبارکباد پیش کینہ۔ ہڑتوم آ کنڈآتا تعلقداری تے پین سوگوی تننگ تون اوار اوار پارلیمانی رابطہ غاتے پین مون آ دننگ نا گرج ءِ۔
