انسداد دہشت گردی نا عدالت پارلیمنٹ جلہو کیس اٹی وزیراعظم عمران خان ءِ بری کرے

اسلام آباد۔ 29 اکتوبر (اے پی پی) انسداد دہشت گردی نا عدالت پارلیمنٹ جلہو کیس اٹی وزیراعظم عمران خان ءِ بری کرینے۔ نجی ٹی وی چینل نا رداٹ پنچ شنبے نادے آ انسداد دہشت گردی نا عدالت وزیراعظم عمران خان نا بریت نا درخواست ءِ منظور کرے۔ انسداد دہشت گردی نا عدالت نا جج راجہ جواد عباس وزیراعظم عمران خان نا درخواست آ فیصلہ بنفے۔ سرکاری وکیل نا کنڈآن ہم وزیراعظم عمران خان نا درخواست نا مخ تفی ءِ کننگاسس۔ وزیراعظم نا وکیل بریت نا درخواست آ نوشتہی دلیل جمع کرفساموقف اختیار کریسس کہ عمران خان ءِ دروغ و سٹی آ مقدمہ غاتیٹی اختہ کننگا، اونا برخلاف ہچ ءُ شاہدی اس ملتنے، نئے گواہ اس اونا برخلاف بیان تسنے۔ اوپارے کہ دُن تو دا اسہ سیاسی ءُ مقدمہ سے ہراٹی سزا نا ہچ ءُ گمان اس اف ہنداخاطرآن وزیراعظم عمران خان ءِ بری کننگے۔ وزیراعظم و ایلوفتا برخلاف 2014ء نا دھرنہ ٹی مقدمہ درج کننگاسس۔