اپوزیشن حکومت تون گچین کاری اصلاحات، زرگزران و گچین گورننس آ گپ و تران کننگ کیک، چوہدری فواد حسین

اسلام آباد۔ 29 اکتوبر (اے پی پی) بنجائی وزیر سائنس و ٹیکنالوجی چوہدری فواد حسین پارینے کہ اپوزیشن حکومت تون گچین کاری اصلاحات، زرگزران و گچین گورنس آ ہیت وگپ کننگ کیک ولے اگہ اوفتا مدعہ ہشت کیس آتیاٹی ءِ تو ولدا اخس کہ زور خلیر او خلنگ کیرہ۔ عمران خان ءِ 2028ء آن پد ہم نم اینک کننگ کپیرے۔ پنچ شنبے نادے آ قومی اسمبلی ٹی خیال آتا درشانی ءِ کرسا چوہدری فواد حسین پارے کہ ذوالفقار علی بھٹو و پیپلزپارٹی نا آئین کن خذمت آک ءُ ولے آرٹیکل 53 ہم آئین نا بشخ اسے ہرا اسپیکر نا عزت و شرف نا ہیت ءِ کیک۔ جمہوری تاریخ اٹ 1377 آن اسپیکر نا آفس جوڑ مسنے۔ داکان پد اسپیکر نا چیئرز نا ایوان آنبار شرف مریک، بدبختی اٹ گڑاس مخلوق فٹ بال گوازی کرسا اناگت ایوان اٹ بسر اوفتے دا عہدہ و ایوان نا توقیر نا معلوم اف۔ چوہدری فواد حسین پارے کہ پی ڈی ایم ءِ برانز و حکومت آ تنقید نا حق ارے۔ ویل ءِ کہ مسہ جلسہ غاتیٹی مسہ بیانیہ تننگا۔ گوجرانوالہ نا جلسہ ٹی فوج و عدلیہ، کراچی ٹی فوج، عدلیہ و اردوزبان وخت اس کہ کوئٹہ نا جلسہ ٹی فوج، عدلیہ و آزاد بلوچستان نا بیانیہ مون آ بس۔ اوپارے کہ نواز شریف نا پیسہ غاک اختہ ءُ دانا مسخت ہشت کیس آن جان ءِ خلاص کننگ نا ءِ۔ اگہ او داٹی کلیئر مرے تو کل سہی ورنہ غٹ خراب۔ ننا گلہ نواز شریف آن اف ولے دا بیانیہ غا اگہ خواجہ آصف و ریاض پیرزادہ چپ سلرہ تو دا است ہسونی اسے۔ نم حکومت و پی ٹی آئی آ تنقید کبو ولے ریاست آ تنقید کپبو۔ اوپارے کہ مسکوہی اسپیکر ایاز صادق ءِ ریاست نا اسہ سرگرمی اسے ٹی اوار کننگا تو اونا او خیال ءِ تخے۔ اوپارے کہ نن ہندوستان ءِ پترینگسا خلکونن۔ پلوامہ غان پد ننا سرسہبی عمران خان نا سرکڑدہ ئی ٹی قوم انا سرسہبی ءِ۔