اسلام آباد۔ 29 اکتوبر (اے پی پی) سینیٹ اٹی قائد ایوان سینیٹر ڈاکٹر شہزاد وسیم پارینے کہ پاکستان نا الس دہشت گردی نا برخلاف بھلو قربانی تسنے، اپوزیشن نا بیانیہ گوجرانوالہ غان بناکرے، اپوزیشن جلسہ غاتیٹی قومی زبان و ادارہ غاتا برخلاف آزاد بلوچستان و دہشت گردی نا بابت ہرا بیانیہ ءِ اختیار کرینے دا چرجوئی بایدے چٹے۔ پاکستان اٹی ادارہ غاتے نزور کننگ نا کوشست ءِ سرسہب مننگ کن الیپنہ، مودی و اجیت دوول نا بولی ٹی ہیت کننگ کن ہلنگپننگک۔ سیم تیا سرسہبی دوئی کروک آ پاک فوج و انٹیلی جنس ادارہ غاتا برخلاف تہہ آن سازش کننگ انگ ءِ، پاکستان نا الس غٹ آن مست ریاست و ریاستی ادارہ غاتے مقدم سمجھرہ، ولدا سیاست نا ہیت بریک۔ پنچ شنبے نادے آ ایوان بالا ٹی گپ وتران کرسا اوپارے کہ اپوزیشن نا بیانیہ گوجرانوالہ غان بناکرے و قائد اعظم نا مزار نا بے حرمتی ءِ کرسا کوئٹہ غا سرمس، ہموڑے ہرا بیان آک مون آ بسر و ہرا قومی زبان و ادارہ غاتا برخلاف ہیت کننگا، آزاد بلوچستان نا باندات آ ہرا موقف ءِ اختیار کننگانے دا چرجوئی بایدے چٹے۔ دا مخلوق پاکستان نا آخبت تون گوازی کننگ ءُ، ننے ففتھ جنریشن وار انا مون تروک ءِ، پاک فوج و انٹیلی جنس ادارہ غاک سیم و ملک انا تہہ ٹی دشمن نا مقابلہ ءِ کننگ ءُ، ولے اوفتا برخلاف تہہ آن سازش کننگ انگءِ، پاکستان نا الس ءِ غٹ آن مست ریاست و ریاستی ادارہ غاک مقدم ءُولدا سیاست نا ہیت بریک۔ ننا بزرگ و چناک دہشت گردی نا برخلاف قربانی تسنو ولے ایلوکنڈآ اپوزیشن انت بیانیہ اس ہلسا ہِننگ ءِ، داہم ہُننگ نا گرج ءِ۔
