اسلام آباد۔29اکتوبر (اے پی پی): مزن وزیر عمران خان ءَ گوں پاک فوج ءِ سروک جنرل قمر جاوید باجوہ ءَ گندءُنند ، گندءُ نندءَ پاکستان آرمی ءِ کسبی کار ءُ ملک ءِ تہی ءُ ڈنی سلامتی ءِ جاورھال ءِ سرءَھیال ءُ لیکہ ءِ درشانی کنگ بوتگ۔ پنچ شمبے ءِ روچءَ مزن وزیر کارگس ءِ میڈیا ونگ ءَ چہ جاری بیان ءِ ردءَ مزن وزیر عمران خان ءَ پاکستان ءَ لٹءُ کُٹ ءَ را گیش کنگ ءِ انوگیں کوشستانی ذکر ءُ اے جزم ءِ درشانی کتگ کہ سرجمیں راج دُژمن ءِ اے لگوریں کاروائی ءِ حلاپ ءَ محکم اِنت۔ آئی ءَ گشتگ کہ پاک فوج، ایف سی ءُ قانود نافذ کنوکیں ادارگ آنی ہما افسر ءُ ورناہ آں داد ءُ سلام پیش کنگ بوتگ کہ آیاں پہ ماتیں وطن ءِ دیمپانی کنگ ءَ وتی جان ندر کتگ اَنت۔
