مذہبی پڑ ءِ وزارت ءِ چیردستی ءَ راجی رحمة اللعالمین جمعہ ءِ روچءَبیت

اسلام آباد۔29اکتوبر (اے پی پی):حضور نبی پاک ﷺ ءِ ودی بوہگ ءِروچءَ راجی رحمة اللعالمین کانفرنس 30 اکتوبر جمعہ ءِ روچءَ بیت۔ اے کانفرنس ءِ سرحال ”چاگردی آلودگی ءُ مے زمہ واری سیرت النبی ءِ روژنائی ءَ “ بیت۔ ربیع الاول 1442 ھ ءِ موہ ءَ مذہبی پڑ ءِوزارت ءِ نیمگ ءَ جار ی نوٹیفیکشن ءِتہ ءَ گشگ بوتگ کہ حضور اکرم ﷺ ءِ ودی روچ ءِ درگت ءَ راجی رحمة اللعالمین کانفرنس ءَ ہوار صوبائی، ڈویژنل ءُ ضلعی تک ءَ ہم سیرت کانفرنس کنگ بنت کہ آیانی تہ ءَ نبی پاک ﷺ ءِ اخلاق، آئی ءِ تعلیمات ءُزند ءِ بازیں تک ءُ پہنات پدر کنگ بنت۔ ملک مستر ءُ مزن وزیر کانفرنس ءِ بُنگیجی ءُ گُڈ سری دیواناں حاسیں مہمان بنت ۔ ایشی ءَ ابید سرجمیں ملک ءَ مذہبی سکالرز ءُ حاسیں سیاسی ءُ سماجی شخصیت ہوار بنت۔ اے موہ ءَ راجی ءُ دمگی زباناں کتبِ سیرت، نعت ءِکتابءُ اے بابت ءَ مقالہ آنی مقابلہ ءَ اولی، دومی ءُ سئمی نمبر ءَ آیوکاں داد دیئگ بیت۔ نوٹیفیکشن ءِردءَ 12 ربیع الاول ءِ روچ موکل بیت۔ اےموہ ءَ بنجاہی وزیر ءُ صوبائی بنجاہی حکومتاں 31 ءُ 21 ٹوپانی سلامی دیئگ بیت ءُ روچ ءِ بندات کنگ بیت۔ اُلسی ہندءُ جاہ آں سیرت النبی ﷺ ءِ ہوالگءَ بینرز ءُ بیرک جنگ بنت۔ وانگ جاہ، کالج ، چورا جاہ آں شیرکینی بھر کنگ ءَ ابید جنوزام، بے لوگ، بندی جاہ ءُ حاسیں مردماں ورگ وارینگ بیت۔ حضور نبی پاک ﷺ ءِ ودی روچ ءَ را گوں شرپ ءُ عزت ، جوش ءُ جزبگ ءَ گوں گوازینگ ءِ ھاترءَ سرکاری ءُ نجی تک ءَ تیاری بندات بوتگ اَنت۔