اسلام آباد۔29اکتوبر (اے پی پی):اقتصادی رابطہ کمیٹی (ای سی سی) ءَ ربیع ءِ کشار ءِ واستہ مزن وزیر پیکیج ءِ منظوری داتگ، پیکیج ءِ چیر دستی ءَ کد ءُ ھما وانی توک ءَ ڈی اے، فاسفیٹ ءُ پوٹاشیم ھوار انت، ھمک 50 کلو ءِ گونی ءِ سر ءَ 1000 کلدار ءِ سبسڈی پجاری کنگ بیت، بنجاھی ءُ صوبائی حکومت 70 ءُ 30 درسد ءِ بھر مان کنگ ءِ بنیات ءَ سبسڈی دنت انت، تھلگ آنی رد ءَ کمیکلز آنی واستہ یک ایکڑ 250 کلدار ءُ کِرم مارا درمان ءِ رد ءَ 150 کلار ءِ پجاری کنگ بیت۔ اقتصادی رابطہ کمیٹی ءِ ھاسیں دیوان پنچ شمبے ءِ روچ ءَ ادا مزن وزیر ءِ مشیر برائے ھزانگ ڈاکٹر عبدالحفیظ شیخ ءِ سروکی ءَ برجم دارگ بوت۔ دیوان ءَ بیع ءِ کشار ءَ ھاسیں رنگ ءَ گندم ءِ واستہ مزن وزیر ءِ پیکج ءِ منظوری دیگ بوت۔
