بھارتی پائل ابھی نندن ءِ یلوئی ءَ را دگہ مول ءُ مراد آنی گوما ملارینگ ءُ ھوار کنگ نہ وشیں گپ ات، اے چیز کجام ھم پاکستانی ءَ را قبول نہ انت، پلوامہ واکیہ ءَ بھارت ءِ نہ ایوک ءَ دپ پروشگ بوتگ بلکینگ ءَ سرجمیں دگنیا ءَ گوش گپتگ، ڈی جی آئی ایس پی آر میجر جنرل افتخار بابر

اسلام آباد۔29اکتوبر (اے پی پی):پاک فوج ءِ ترجمان میجر جنرل افتخار بابرر ءَ گوشت کہ بھارتی پائلٹ ابھی نندن ءِ یلوئی ءَ را دگہ مول ءُ مراد آنی گوما ملارینگ نہ وشیں گپ ات، اے چیز کجاھم ھم پاکستانی ءَ را قبول نہ بیت، پلوامہ واکیہ ءَ بھارت ءِ نا ایوک ءَ دپ پروشگ بوتگ بلکینگ ءَ سرجمیں دگنیا ءَ گوش گپتگ، دژمن ءِ جہاز آں بمب ءُ ٹوپ مردم آنی سر ءَ دور دیگ ءِ واستہ پاکستان ءَ پترتگ انت، بلے آواں اے ٹوپاناں کوہ آنی سر ءَ دور داتگ ءُ واتر بوتگ انت، پاکستا ن ءَ روچ ءَ روشنائی ءَ پسو دات، دژمن ءِ جہاز دور دات انت، پائلٹ ابھی نند ءَ را دزگیر کت، ھدا ءِ مہربانیءَ ما باج برت ءُ سرجمیں راج شرپ مند بوت، پاکستان ءِ باج برئیءَ را سرجمیں دگنیا ءَ ھم من ات۔ آ پنچ شمبے ءِ روچ ءَ آئی ایس پی آر ڈائریکٹوریٹ ءَ زوتیں رد ءَ پریس کانفرنس ءَ گوں گشتانک دیگ ءَ انت۔ ڈی جی آئی ایس پی آر میجر جنرل افتخار بابر ءَ گوشت کہ مرچگیں پریس کانفرنس ءِ ون پوائنٹ ایجنڈا ریکاٹ ءِ ساپ کنگ انت، گوستگیں روچ ءَ یک بیانے دیگ بوتگ آئی ءِ تہ ءَ تاریخ ءَ را رد کنگ ءِ گپ ءُ تران کنگ بوتگ۔ بھارتی پائلٹ ابھی نندن ءِ یلو ئی ءَ را دگہ مول ءُ مراد آنی گوما ملارینگ سک باز نہ وشیں گپ انت۔ آئی ءَ گوشت کہ پاکستان ءَ وھد ءُ موہءِ سر ءَ دپ پروشیں پسو کت دژمن ءِ جزم آناں ناکام کت انت، آئی ءَ گوشت کہ جوانیں ءَ گوں پسو دیگ ءَ ھوار بلکینگ ءَ بھارت ءِ دو جنگی جہاز ھم جت ءُ دور داست ءُ ونگگ کمانڈ ابھی نند ءَ را دزگیر ھم کنگ بوت، دژمن سرجمیں کاروائیءِ ساھت ءَ اینکیاس بیم ناک ءُ ترس ءِ آماچ بوتگ انت کہ وتی ہیلی کاپٹر ءُ ورنا ءَ را جت ءُ دور دات ءُ اللہ پاک ءِ مہربانی ءَ مارا دژمن ءِ ھلاپ ءَ باج برئی رست، اے کامیاتی ءَ بھارت ءِ چپورتی ءَ را سرجمیں دگنیا ءِ دیم ءَ سہرا کت بلکینگگ ءَ سرجمیں پاکستان راج ءِ سر پہ پھر کنگ ءَ چست بوت ءُ سلاھ بندیں اُرد وشنام بوت، پاکستان ءِ باج برئی ءَ را سرجمیں دگنیا ءَ منگ بوت بلکینگ ءَ وت بھارتی سروک آں اے شکست ءَ را بھانہ کت ءُ بالیگ آنی فیل بوھگ ءِ بڈ ءَ لڈ ات۔