اسلام آباد۔ 28 اکتوبر (اے پی پی) بنجائی وزیر ہوابازی غلام سرور خان پارینے کہ بزغر آتیکن پیکج آ کاریم برجاءِ، خولم نا کمکی نہاد نا داسکان فیصلہ متنے۔ چارشنبے نادے آ قومی اسمبلی ٹی خواجہ آصف نا اعتراضی ٹک انا ورندی ترسا غلام سرور خان پارے کہ دَرو کابینہ ٹی خولم نا نہاد نا جاچ ءِ ہلکونے ولے فیصلہ متنے۔ کمکی نہاد نا بابت مسہ صوبہ غاک تینا سلاہ تے گدریفینو۔ سندھ حکومت تینا سلاہ و سوج آتے مون تتنے۔ کابینہ کمیٹی اس جوڑ کرینے۔ حکومت کشت وکشار نا بشخ اکن اسہ پیکج اس تننگ خواہک۔ داٹی بج و کھد سبسڈائزریٹ آ فراوان کننگک۔ اوپارے کہ اسپیکر کشت و کشار نا بابت کمیٹی اس ہم جوڑ کرینے ہراٹی غٹ ءِ نمائندگی دوئی ءِ۔ دا کمیٹی نا سلاہ و سوج آتیا عمل مریک۔
