اسلام آباد۔ 28 اکتوبر(اے پی پی) پاک بحریہ قطبی بحیرہ عرب اٹی سطح سمندر و بڑزآن اینٹی شپ میزائل آتا خلنگ نا سرسہب درشانی ءِ کرے، پاک بحریہ نا جنگی بحری جہاز، ہوائی جہاز و ہیلی کیپٹرسرسہبی اٹ تینا تینا ہدف آتے نشانہ کریر، میزائل خلنگ نا شاندار درشانی پاک بحریہ نا آپریشنل لائخی و حربی تیاری تا شاہدی اسے۔ ترجمان پاک بحریہ نا رداٹ چیف آف نیول اسٹاف ایڈمرل محمد امجد خان نیازی میزائل خلنگ نا مشاہدہ ءِ کرے۔ امیر البحر ایڈمرل محمد امجد خان نیازی پاک بحریہ نا آپریشنل تیاری تیا پورو است جمی نا درشانی ءِ کرسا پارے کہ پاک بحریہ ہروڑنا جارحیت نا پبی ورندی ءِ تننگ نا پورو لائخی تخک۔ اوپارے کہ پاک بحریہ نا ورناک و آفیسرآک ملک انا سمندری سیم و بحری میرات آتا رکھ اکن ہروخت تیار ءُ۔

متعلقہ مضامینمصنف کی طرف سے مزید