اسلام آباد۔ 28 اکتوبر (اے پی پی) قومی اسمبلی پشاور نا مدرسہ و کوئٹہ دھماکہ غاتا مذمت ءِ کننگ کن امنائی قرارداد اس منظور کرے۔ پنچ شنبے نادے آ قومی اسمبلی ٹی حکومت و اپوزیشن نا امنائی قرارداد ءِ پارلیمانی امور نا وزیر مملکت علی محمد خان پیش کرے۔ قرارداد نا متن اٹ پاننگانے کہ پشاور نا مدرسہ ٹی بمب دھماکہ ٹی 8 طالب علم، قراء کرام شہید مسر و 100 ٹھپی مسر ہنداوڑ کوئٹہ ٹی بمب دھماکہ مس ہراٹی نہادی انسانی جان تا نسخان مس۔ دا ایوان دا دھماکہ غاتا ترندی اٹ مذمت ءِ کیک و سمجھک کہ داوڑنا جلہو اسہ مسلمان اس ہم کننگ کپک۔ قرارداد نا متن اٹ پاننگانے کہ دہشت گردی نا واقعہ نا بیخ ءِ پٹنگ کن سیکورٹی فورس، پولیس و فوج پورو وڑاٹ تیار ءُ۔ دا ایوان خواست کیک کہ ہرافک کارروائی کرینو اوفتے کانود نا دوٹی ترسا سخت ءُ سزا تننگے۔ قرارداد آن مست ایوان نا کارروائی نا بناء آ اسپیکر اسد قیصر پارے کہ دروپشاور اٹی دہشت گردی نا است ہسون واقعہ اس مسنے۔ داڑآ امنائی قرارداد اس ہم برے و شرہ ہم مرے۔
