اسلام آباد۔ 28 اکتوبر (اے پی پی) بنجائی وزیر مذہبی و اقلیتی امور نور الحق قادری پارینے کہ پاکستان ءِ پدریسہ چمبازی تا کمک اٹ نزوری نا کنڈآ دننگ نا کوشست مننگ ءِ دا کوشست آک بے سہب مریرہ۔ چارشنبےنادے آ قومی اسمبلی ٹی گپ وتران کرسا نور الحق قادری پارے کہ پشاور اٹی ہرا است ہسون واقعہ پیش بس اسہ بھلو خت اس و وقفہ غان پد دھماکہ چشم کشا ءِ و داڑآ پبی چکار کننگ نا گرج ءِ۔ حکومت تون قومی و مذہبی سرکڑدہ غاک ہم چکار کیر۔ 12 طالب علم حدیث نا درس اکن تولوک ئسر و اوفتے لہولہان کننگا۔ اگہ دا وخت آ ہم سیاست کننگاتو دا سنجیدہ گام گیج اس اف۔ پاکستان ءِ پدریسہ چم آتا کمک اٹ نزوری نا کنڈآ دننگ انگ ءِ۔ آرمی چیف و عسکری سرکڑدہ غاتے شست کننگ و پشاور دھماکہ اسہ چرجوئی اسے ناکڑی ءِ۔ قوم مہالو ہم مقابلہ کریسس و کرسا کیک۔ اوپارے کہ سیاسی سرکڑدہ غاک سنجیدگی نا درشانی ءِ کیر۔ عبدالاکبر چترالی نا ہیت آن امنا کیوہ کہ نن اگہ کاریم کن الاؤنس ہلینہ و ہمو کاریم ءِ کپنہ تو دا الاؤنس آک ننکن حرام ءُ۔
