لاہور۔27اکتوبر (اے پی پی): اولی زالبول بانک ثمینہ علوی ءَ سے شمبے ءِ روچءَ حاسیں گوانڈو آنی ادارگ گورنمنٹ شاداب ٹریننگ انسٹیٹیوٹ لاہور ءِ ترءُ تاب کتگ ءُ گوانڈو آناں دئیوکیں آسراتی ءِ ہوالگ ءَ جُست ءُ پُرس کتگ۔ ادارگ ءِ حاسیں زھگاں آئی ءَ را پُھلانی گلدستہ داتگ۔ آئی ءَ ادارگ ءِبازیں پڑ ماڈل گروپ، سکینڈوی گروپ، آٹسٹک گروپ ءُ پرنسپل کارگس ءِ ترءُ تاب کتگ۔ اولی زالبول ءَ ادارگ ءَ حاسیں زھگاں نیمگ ءَ جوڑ کتگیں ہینڈی کرافٹس ءِ بازیں سٹال ءِ ترءُ تاب ہم کتگ۔ اے موہ ءَ حاسیں زھگاں اولی زالبول ءَ را ناچ پیش داشتگ ءُ سلامی پیش کتگ۔ اولی زالبول ءَ را ادارگ ءِ بازیں پڑآنی ہوالگ ءَ شونست دیئگ بوتگ ءُ حاسیں زھگانی ھاترءَ چست کتگیں گامگیجانی ہوالگ ءَ سرپدی دیئگ بوتگ۔
