کوئٹہ۔27اکتوبر (اے پی پی): سر وزیر بلوچستان جام کمال ءَ گوشت کہ 27 اکتوبر راجدپتر ءِ سیاہ تریں روچ انت۔ ما اے روچ ءَ ریاست جموں کشمیر ءِ سر ءَ بھارت ءِ زوراکی ءَ را ایر جنگ ءُ کشمیری الس آنی کمک ءِ رنگ ءَ برجم دارگ ءَ انت۔ جام کمال خان ءَ یوم سیاہ ءِ موہ ءَ وتی کلوہ ءَ گوشت کہ دلیریں کشمیری گوستگیں 70 سال ءَ چہ گیش بھارتی ظلم ءُ زوراکیءَ گوں دیم پہ دیم انت۔ آئی ءَ گوشت کہ جموں کشمیر ءِ جیڈھ ءَ چہ میاں اوستمانی بستار یونائیٹڈ نیشن ءِ سلامتی کونسل ءِ منوگری ءَ منگ بوتگ۔ اے منوگری ءِ پد ءُ رند انگت وداریگ انت۔ سر وزیر بلوچستان ءَ گوشت کہ یک سالے ءَ چہ گیش وھد ءُ پاس ءَ چہ جاڑیگیں کرفیو ءَ کشمیرئی آناں گوں دگنیا ءَ جتا ءُ گستا کتگ۔ آئی ءَ گیش تران کنان ءَ گوشت کہ جموں کشمیر مرچی سرجمیں رنگ ءَ جیل ءِ جوڑ بوتگ۔ میاں اوستمانی برات بھارت ءِ جموں ءُ کشمیر ءَ جاڑیگیں ریاستی ناشرکاری ءِ نوٹس ءَ بہ زور انت ما کشمیر ی الس ءِ گوما ھمگاما اوشتاتگ انت۔
