لاہور۔27اکتوبر (اے پی پی):صدر مملکت ڈاکٹر عارف علوی ءَ سئے شمبے ءِ روچ ءَ گورنر گس لاہور ءَ چانسلر پاکستان انسٹیٹیوٹ آف فیشن اینڈ ڈیزائن ءِ سینیٹ ءِ دھمی دیوان ءِ سروکی کت۔ صدر ءِ پاکستان ءَ نیشن ءُ ڈیزائن انڈسٹری ءِ ارزشت ءِ سر ءَ زور پر دات۔ آئی ءَ گوشت کہ اے ادارگ ءَ ملک ءَ چاگردی ءُ معاشی دیمروئی ءَ ھم ٹوھیں کرد ءِ پیلو کتگ۔ آئی ءَ گوشت کہ اے ادارگ ءَ ناں ایوک ءَ کزبی گریجوایٹس پیداک کتگ بلکینگ ءَ اے گریجوایٹس آنی سبب ءَ ٹیکسٹائل ءُ فیشن انڈسٹری ءَ را ھم دیمروئی رستگ۔ ڈاکٹر عارف علوی ءَ پاکستان انسٹیٹیوٹ آف فیشن اینڈ ڈیزائن ءَ را میاں اوستمانی ادار آنی گوما وت مہ وتی شریک کنگ ءِ سر ءَ دلبڈی ءِ درشان کت۔ آئی ءَ گوشت کہ میاں اوستمانی ادارگ آںی کمک ءَ چہ ڈیزائن ایجوکیشن ءِ کوالٹی ءِ کد ءُ بالاد گیش گہتر کنگ ءِ موہ رس ایت۔ اے موہ ء،س ر ءَ سیکرٹری صدر پاکستان طارق نجیب نجمی، پاکستان انسٹیٹیوٹ آف فیشن اینڈ ڈیزائن ءِ وائس چانسلر پروفیسر حناطیبہ خلیل ءُ سینیٹ ءِ دومی باسک ھم ساڑی اتنت۔ سینیٹ ءِ دیوان ءِ ساھت ءَ ادارگ ءِ وانگ ءُ زانگی، انتظامی ءُ مالی جیڈھ آناں باست ءُ واست کت۔ اے ساھت ءَ پاکستان انسٹیٹیوٹ آف فیشن ڈیزائن ءِ ھمک سالی رپوٹ پیش کنگ بوت ءُ 2020 ءُ 2021 ءِ بجٹ ھم منظور کنگ بوت۔
