اسلام آباد۔27اکتوبر (اے پی پی): سرجمیں ملک ءَ میلاد النبی گوں جوش ءُ جزبگاں برجاہ اَنت، کسان ءُ مزنیں شہر، کوچگ ءُ دمگاں اے روچ ءِ درگت ءَ حاسیں سٹال جوڑ کنگ بوتگ اَنت، مردمانی مزنیں کساسے سمبائینگی سامانانی بھاءُ سیم بندات کتگ۔ ربیع الاول ءِ ماہ ءِ بندات ءَ بازیں شہری آں نجی ءُ سرکاری ماڑی شوق ءُ سمبائینتگ اَنت۔ میلاد النبی ءِ تیاری ءِ ہوالگ ءَ نبی اخرالزمان …
سرجمیں ملک ءَ میلاد النبی ائید ءِ تیاری گوں جوش ءُ جزبگ ءَبرجاہ اَنت،
اسلام آباد۔27اکتوبر (اے پی پی): سرجمیں ملک ءَ میلاد النبی گوں جوش ءُ جزبگاں برجاہ اَنت، کسان ءُ مزنیں شہر، کوچگ ءُ دمگاں اے روچ ءِ درگت ءَ حاسیں سٹال جوڑ کنگ بوتگ اَنت، مردمانی مزنیں کساسے سمبائینگی سامانانی بھاءُ سیم بندات کتگ۔ ربیع الاول ءِ ماہ ءِ بندات ءَ بازیں شہری آں نجی ءُ سرکاری ماڑی شوق ءُ سمبائینتگ اَنت۔ میلاد النبی ءِ تیاری ءِ ہوالگ ءَ نبی اخرالزمان ءِ تعلیمات ءَ را پدر کنگ ءِ ھاترءَ ھاسیں مراگش ہڈ کنگ بنت۔ 12 ربیع الاول میلاد النبی ءِ روچءَ را اسلامی کلینڈر ءِ تہ ءَ حاسیں ارزشتے است۔ ربیع الاول ءَ سرجمیں دنیاءِ مسلمان ودی بوہگ ءِ اے وشیں روچءَ را گوں جوش ءُ جزبگ ءَ گوازیناں۔مزن وزیر عمران خان ءَ حاسیں بندوبست کنگ ءِ پنتءُ شون کتگ ءُ بنجاہی حکومت ءَ مزن وزیر ءِ پنت ءُ شون ءِ روژنائی ءَ آزاد کشمیر ءُ گلگت بلتستان ءَ ہوارچاریں صوبہ آنی حکومت آں مراسلہ دیم داتگ کہ میلاد النبی ءَ را جوش ءُ جزبگ ءَ گوں گوازینگ بہ بیت۔ اے موہ ءَ سیرت کانرنس، نعت وانی ءُ نبشتانک نویسگ ءِمقابلہ آں ہوار گوشتانکی مقابلہ کنائینگ بیت۔ اے وشیں روچءِدرگت ءَ سرجمیں ملک ءَ حاسیں سٹال جوڑکنگ بتگ ءُ شہری آنی مزنیں کساسے ءَ سمبائینگی سامان بہا زُرتگ۔
