اسلام آباد ءَ را ونگ ءُ زانگ ءِ پڑءَ ماڈل شہر جوڑ کنگ بیت، وانگ ءُ زانگ ءِ ادارگ ءِ جیڑہ ءُ جنجال گیش ءُ گیوار کنگ بنت، علی نواز اعوان

اسلام آباد۔27اکتوبر (اے پی پی): مزن وزیر ءِ حاسیں کمک کار علی نواز اعوان ءَ گشتگ کہ اسلام آباد ءَ را وانگءُ زانگ ءِپڑءَماڈل شہر جوڑ کنگ بیر ءُ وانگ ءُ زانگ ءِ ادا رگ ءِ جیڑہ ءُ جنجال گیش ءُ گیوار کنگ بنت، وانگ ءُ زانگ مے منشور ءِ بنکی بھر اَنت۔ اے ھیال ءُ لیکہ ءِ درشانی آئی ءَ سے شمبے ءِ روچءَاسلام آباد ءِ بازیں وانگ جاہ آنی ترءُتاب ءِ موہءَ کتگ۔ ترءُ تاب ءِ مول مراد وانگ جاہ آنی جیڑہ ء ُ جنجالاں چہ سرپد بوہگ بوتگ۔ ترءُ تاب ءِ وہد ءَ وانگ جاہ ءِ انتظامیہ ءُ نودربراں چہ آیانی جیڑہ ءُ جنجال جست کنگ بوتگ اَنت۔ حاسیں کمک کار ءَ وانگ جاہ آنی ماڑی ءِ چارءُ تپاسی کتگ ءُ زوت المی منٹینس ءِ پرمان جاری کتگ اَنت۔ اے موہ ءَ حاسیں کمک کار ءَگشتگ کہ وانگ ءُ زانگ مے منشور ءِبھر اِنت۔ وانگ ءُ زانگی جیڑہ جنجالاں گیش ءُ گیوار کنگ ءَ اَنت۔ گوست ء ِ حکومت ءَ وانگ ءُ زانگ ءِ سرءَ ایچ وڑیں دلگوشی ناکتگ ءُ حاسیں راجی وانگ ءُ زانگی ادارگ جیڑہ ءُجنجال ءِ آماچ انت۔ اسلام آباد ءَ وانگ ءُ زانگ ءِ پڑ ءَ ماڈل شہر جوڑ کنگ بیت۔ ترءُ تاب ءِ وہد ءَ محکمہ وانگ ءُ زانگ ءِ حکام، پی ڈبلیوڈی حکام ءُ راجی اسمبلی ءِ باسک حاسیں کمک کار علی نواز اعوان ءِ ہمراہ بوتگ۔