کشمیر ءَ را وتی بھر لیکگ ءِ بھارتی ھیال وتءَرا رد دیئگ اِنت، پاکستان

اسلام آباد۔27اکتوبر (اے پی پی):پاکستان ءَ دوشمبے ءِ روچءَبھارتءِ زُلم ءُناحقی کنگ ءُ جموں و کشمیر ءَ وتی بھر لیکگ بھارتی ھیال ءُ لیکہ وتی جند ءَ را رد دیئگ اِنت ۔ آئی ءَ گشتگ کہ بھارت ایچ وڑءَ کشمیری اُلس ءَ را اقوام متحدہ ءِ داتگیں اے حق ءَ چہ زھبار کُت ناکنت کہ سلامتی کونسل ءِ تپاک نامہ آں کشمیر ی آں حق دیئگ بوتگ۔ پاکستانی مندوب سعد احمد وڑائچ ءَ جنرل اسمبلی ءَ را حال داتگ کہ بھارتی جموں و کشمیر ءِہوالگ ءَ بھارتی جاک ءُ کوکار ءُ تگءُ تاچ ءَ بھارت ءِ وتی رد دیئگ ءُ حرص ءِ بھر اِنت۔ پاکستان مندوب سعد احمد وڑائچ ءَ 193 باسکی ادارگ ءِ جنرل اسمبلی ءِ مزنیں تک ءِ دیوان ءَ را حال دیئگ بوتگ کہ راستی ایش اِنت کہ جموں و کشمیر بھارت ءِ بھرنااِنت۔ اے وڑ کدی ہم نابوتگ، اے کدی ہم نابیت۔ ” آئی ءَ 21 ستمبر ءَ را داتگیں بھارتی بیان ءِ سرءَ ترندیں رد عمل داتگ۔ ستمبر ءِ اے دیوان ءَ ہندوستانی مندوب ودیشہ میترا ءَ دری کارانی وزیر شاہ محمود قریشی ءِمقبوضہ کشمیرءِ سرءَ بھارتی حکومت ءِ غیر قانودی قبضہ کنگ ءِ بیان ءِ سرءَ گشتگ ہندوستان ءِ تہءُ توکی جیڑہ آں حراب کنگ ءِ بھتان داتگ ءُ پاکستان ءِ سرءَ ” ناشرکاری ءِ بُنجاہ” بوہگ ءِ بھتان جتگ۔ اقوام متحدہ ءِ 75 می ودی روچ ءِ ہوالگ ءَ دوشمبے ءِ روچءَ وہدے دیوان بندات بوتگ گڑا بھارتی مندوب ءِ بیان ءِ پسو دیئگ ءِ حق ءَ را کارمرز کتگ ءُ اقوام متحدہ ءَ پاکستانءِ قونصلر سعد وڑائچ ءَ گشتگ کہ اے سکیں شرم ءِگپ اِنت کہ آ ملک کہ وتی دروگیں شرپ ءُ عزت ءِ جارچینی کنگ ءِ موہ ء َیل ناکنت گڑاایشی ءِ گور ءَ اے آسراتی اَست کہ آ سلامتی کونسل ءِ تپاک نامہ آں ہوار میاں اوستمانی قانود ءِ بنکی راھبندانی سرءَ جُست چست بہ کنت۔ من ہندوستانی راہشوناں اے یات ءَ گیج ایں کہ اے ہما ادارگ اِنت کہ آئی ءِ پکہیں باسکی ءِ سرءَ ہندوستان اے وڑیں جزم ءِ واہشت مند اِنت، آئی ءَ گشتگ کہ آ اے وڑیں گامگیج ءِ سرءَ ایچ وڑءَ ابکہ نااِنت چیا کہ میاں اوستمانی براتی ءَ را بھارتءِ ” ناوشیں سلوک ” ءِسرءِ نوٹس چست ناکنگ ءِ عادت اِنت۔ پاکستان ءِ مندوب ءَ گشتگ کہ آھودہ کہ ایمنسٹی انٹرنیشنل وڑیں تنظیم آں وتی کاروائی کنگ ءَمجبورکنگ بیت ءُ کُشت ءُ کوش کنوکیں بھارت ءَ را جدید بھارت گشگ زُلم ءُ ناحقی اِت۔ بلے بھارت سلامتی کونسل ءِ تپاک نامہ آں کشمیری آنی وت واجہی ءِحق ءَ ہلاس کُت ناکنت ۔ بھارت ءَ اے تپاک نامہ آنی باپند بوہگ ءِ من ءُ گرءِ سرءَ دستخط کتگ بوتگ ” 27 اکتوبر ءَ جموں و کشمیر ءِ سرءَ بھارت ءِ غیر قانودی قبضہ ءَ را 73 سال بوتگ ءُ اے وئیل کشمیر ءِ اولی کار اِنت کہ تاں انگت برجا ہ اِنت۔