اسلام آباد۔ 27 اکتوبر (اے پی پی) وزیر خارجہ مخدوم شاہ محمود قریشی سے شنبے نادے آ پارلیمنٹ ہاؤس اٹی چیئرمین سینیٹ صادق سنجرانی تون اوڑدہی کرے۔ اسپیکر قومی اسمبلی اسد قیصر، سیکرٹری خارجہ سہیل محمود و وزارت خارجہ نا سینئر آفیسر آک ہم دااوڑدہی ٹی ساڑی ئسر۔ اوڑدہی ٹی چندی پارلیمانی باندات، اسلاموفوبیا و خارتس بیانیہ نا بابت آخبت نا لائحہ عمل تون اوار تین پہ تینی است خواہی نا باندات آتیا گپ وتران کننگا۔ مخدوم شاہ محمود قریشی پارے کہ فرانس اٹی گستاخانہ خاکہ غاتا اشاعت آ پاکستان تون اوار مچ آ دنیا نا یک و نیم ارب مسلمان تا است آزاری مسنے و مچ آ امہ بھاز اضطراب نا گواچی ءُ۔ اوپارے کہ پاکستان، اقوام متحدہ، او آئی سی تون اوار ہرپلیٹ فارم آ اسلاموفوبیا نا ودوک آ رجحان نا برخلاف پبی توار بڑز کننگ ءِ و بڑز کرسا کیک اوڑدہی ٹی، رونما مروک آ ساڑی آ گستاخانہ واقعہ و اسلاموفوبیا نا ودوک آ رجحان نا برخلاف، جہانی کہول آ وزیراعظم عمران خان نا پیدوار و دوٹوک موقف نا ستاءِ کننگا۔
