اسلام آباد۔ 27 اکتوبر (اے پی پی) بنجائی وزیر حوالکاری و شینکاری سینیٹر شبلی فراز پارینے کہ اینو بھارت نا مقبوضہ کشمیر آ غاصبانہ کوزہ نا 73 سال پورو مسنے، دنیا نا غٹ آن بھلا جمہوریت نا دعویدار ہندوستان نا اصل دروشم دنیا نا مون آ بسنے، اسہ سال آن زیات وخت مسنے کہ مچ آ وادی زندان نا دروشم اختیار کرینے، کودک کشمیری تیا ہراظلم ءِ کننگ انگ ءِ اونا دنیا ٹی درور ملیپک۔ بنجائی وزیر حوالکاری و شینکاری سینیٹر شبلی فراز تینا ویڈیو کلہو اٹی پارے کہ اینو بھارت نا مقبوضہ کشمیر آ غاصبانہ کوزہ ءِ 73 سال پورو مسنے، نن دا خنانن کہ دا وخت اٹی کشمیری الس آ ظلم و بربریت کننگا، دنیا نا غٹ آن بھلا جمہوریت نا دعویدار ہندوستان نا اصل دروشم دنیا نا مون آ بسنے۔ اسہ سال آن زیات وخت مسنے کہ مچ آ وادی زندان نا دروشم اختیار کرینے، پاکستان و اقوام عالم نا باشعور و باضمیر ملک آک دا بھارتی کڑد انا پبی مذمتءِ کرینو۔ اوپارے کہ اینو نا تہار دے اٹی نن کشمیری ایلم تے ضمانت ایتنہ کہ ہروارآنبار اینو ہم پاکستان نا حکومت و الس کشمیری تتون کوپہ تون کوپہ ملفسا سلوک ءُ۔ کشمیری تا جہد اٹ اخلاقی ، سفارتی مخ تفی ءِ برجاتخنہ۔
