دبئی کمامدارآتا کنڈآن دبئی نا سفرکروک آ مسافر آتیکن پوسکن ءُ ٹریول ایڈوائزری اس جاری

اسلام آباد۔ 27 اکتوبر (اے پی پی) ترجمان پی آئی اے عبداللہ خان پارینے کہ دبئی کمامدارآتا کنڈآن دبئی نا سفر کروک آ مسافر آتیکن پوسکن ءُ ٹریول ایڈوائزری اس جاری کننگانے۔ سے شنبے نادے آ ترجمان نا کنڈآن جاری بیان نا رداٹ دبئی سرمروک آ مسافر آتا کنڈآن چغتائی لیبارٹری و اسلام آباد ڈائیگنازٹک سروس آن کرفوک آ کرونا ٹیسٹ امنا کننگپک۔ اوپارے کہ دا حکمنامہ دمدستی وڑاٹ نافذ العمل مریک، ہمو لیبارٹریک ہرا دبئی کمامدارآتون رجسٹرءُ بیرہ اوفتیان کرفوک آ کورونا ٹیسٹ ءِ دبئی بالی پٹ آ امنا کننگک۔ ترجمان پارے کہ دا حکمنامہ پاکستان آن دبئی نا جہاز آتے آپریٹ کروک آ غٹ ایئر لائنز تیا لاگومریک۔