اسپیکر و ڈپٹی اسپیکر قومی اسمبلی نا دیر کالونی پشاور نا مدرسہ ٹی مروک آ دھماکہ نا مذمت

اسلام آباد۔ 27 اکتوبر (اے پی پی) اسپیکر قومی اسمبلی اسد قیصر و ڈپٹی اسپیکر قاسم خان سوری دیر کالونی پشاور نا مدرسہ ٹی مروک آ دھماکہ نا ترند انگا لوز آتیٹی مذمت ءِ کرسا دھماکہ ٹی مروک آ نہادی انسانی جان تا نسخان آ است ہسونی نا درشانی ءِ کرینو۔ اسپیکر و ڈپٹی اسپیکر تینا جتا جتا مذمتی بیان تیٹی دیر کالونی پشاور نا مدرسہ ٹی مروک آ دھماکہ ءِ ملک دشمن زموار آتا ملک انا امن ءِ لتاڑنگ نا گندہ انگا چم گوندار۔ اوفک پاریر کہ داوڑنا لغوری نا کارروائیک دہشت گردی نا برخلاف ننا عزم ءِ بدل کننگ کپسہ۔ اوکانود نافذ کروک آ ادارہ غاتے دا واقعہ ٹی اوار زموار آتے دمدستی وڑاٹ دزگیر کرسا کانود نا رداٹ سزا تننگ نا پاریر۔ اوفک تعلقدار کمامدار آتے ٹھپی مروک آتے گچین طبی آسراتی تا فراوانی ءِ پک کننگ نا پارت کریر۔ اسپیکر و ڈپٹی اسپیکر دا واقعہ ٹی شہید مروک آتا درجہ غاتا بڑزی، ٹھپی تا زوت دراخ جوڑی و خاہوت آتے دا ناقابل تلافی نسخان ءِ سگنگ کن صبر و جمیل نا دعا کریر۔