اسٹیٹ بینک کٹیا درملکی شیئر ہولڈر آتے گدریفنگ نا پوسکن ءُ شفاف وڑوڈول اس جوڑ کرے

اسلام آباد۔ 27 اکتوبر (اے پی پی) اسٹیٹ بینک آف پاکستان درملکی زرکاری آتے پاکستان اٹی زرکاری آن دوئی مروک کٹیا تے درملکی شیئر ہولڈر آتے گدریفنگ نا پوسکن ءُ وڑوڈول اس جوڑ کرینے۔ اسٹیٹ بینک انا ترجمان سے شنبے نادے ا اسہ ٹویٹ اسے ٹی پارینے کہ دا گام گیج نا بنداوی مسخت پاکستان اٹ براہ راست درملکی زرکاری کروک آ زرکار آتے آسراتی فراوان کننگ ءِ۔ اوپارے کہ پوسکن آ وڑوڈول نا رداٹ کمپنیک پاکستان اٹی زرکاری کروک آ درملکی شیئر ہولڈرآتے کٹیا یا سرمایہ آسانی و آسراتی اٹ گدریفنگ کیرہ۔ داٹی تعلقدار بینک آتے واکداری تے تننگانے۔ اوپارے کہ داگام گیج آن ہندی کمپنی تے خاص وڑاٹ اسٹارٹ اپس و براہ راست درملکی زرکاری ءِ چکنگ اٹ کمک رسینگک۔ ترجمان پارے کہ پوسکن آ وڑوڈول نا جوڑ کننگ اٹ زرکار و تعلقدار شریدار آتیان دوئی کروک فیڈبیک ان کمک ہلنگانے۔