اسلام آباد۔ 27 اکتوبر (اے پی پی) وزیراعظم نا نمائندہ خصوصی مذہبی ہم آہنگی و پاکستان علماکونسل نا چیئرمین علامہ طاہر محمود اشرفی پشاور بمب دھماکہ نا مذمت ءِ کرینے۔ سے شنبے نادے آ تینا ٹویٹ اٹی اوپارے کہ دشمن جلہو گیر ءِ، قومی یکجہتی، وطن نا سوگوی و وطن نا دفاع ءِ سوگو کروئی ءِ۔ اوپارے کہ قرآن پاک نا تلاوت ءِ کروک آ کودک چناتے شست کروک آک درندہ ءُ۔ اودھماکہ ٹی زوال کروک آ چناتا درجہ غاتا بڑزی و ٹھپی تا زوت دراخ جوڑی کن دعا کرے۔
