اسلام آباد۔26اکتوبر (اے پی پی):کابینہ ءِ اقتصادی رابطہ کمیٹی (ای سی سی) ءَ سال 2020-21 ءِ واستہ کابینہ ءِ دیم ءَ گندم ءِ کم چہ کم کمکی نیاد 1600 کلدار یک من گیشینگ ءِ پیسلہ کتگ، ای سی سی ٹریڈنگ کارپوریشن ءِ واستہ بنداتی رنگ ءَ گیشینتگیں 1.50 ملین میٹرک ٹن درآمدی گندم ءِ کساس ءَ را 1.80 ملین میٹرک ٹن ءَ تا ں گیش ودینگ ءِ پیسلہ کتگ تانکہ نیامی فروری ءَ تاں خیبر پختوانخوا ءُ سندھ ءِ واستہ گیشیں 0.30 ملین ٹن گندم ءِ ضلورت ءَ را سرجم کنگ بہ بیت۔ ای سی سی ءَ 3 نومبر ءَ چہ پد ے وھد ءُ پاس ءَ ایگری ٹیک ءُ فاطمہ فرٹیلائزرز آنی واستہ 772 کلدار یک ایم ایم بی ٹی یو ءِ قیمت آنی بندگ ءِ پیشوکی پیسلہ کتگ۔ اقتصادی رابطہ کمیٹی ءِ دیوان دو شمبے ءَ ادا کابینہ ڈدیژن ءَ مزن وزیر ءِ مشیر برائے ھزانگ ڈاکٹر عبدالحفیظ شیخ ءِ سروکی ءَ برجم دارگ بوت۔ دیوان ءَ سال 2020-21 ءِ واستہ کابینہ ءِ دیم ءَ گندم ءِ کم چہ کمی کمکی نیاد 1600 کلدار یک من نیاد گیشینگ ءِ شور ءُ سلاھ پیش کنگ ءِ پیسلہ کنگ بوت، دیوان ءَ را گوشگ بوت کہ کمکی نیاد آنی کار رپک گندم ءِ پیداوار ءِ تہ ءَ گیشی، مارکیٹ آنی برجائی ءُ دھکان آنی سیت آناں گیش ودینگ ءَ کلیتی کرد پیلو کن انتت۔ 2010-11 ءَ بگر تاں انوگ ءَ تاں گندم ءِ کمکی نیاد ءِ سر ءَ بابت ءَ چار ءُ بچاار کنگ بوتگ۔
