اسلام آباد۔27اکتوبر (اے پی پی):صدر مملکت ڈاکٹر عارف علوی ءَ گوشت کہ کشمیر ی الس آنی وت واجئی ھک ءِ کمک ءِ جزمے درشان ءَ کناں، بھارت ءَ نہ وشیں گامگیج ، زوراکی “ہندو توا” آر ایس ایس۔ بی جے پی حکومت ءِ ناشرکاری لکا ءَ را سہرا کتگ، بھارت ءِ گامگیج میاں اوستمانی کانود، سلامتی کونسل ءِ منوگری ءُ کشمیر ی آں گوں بھارتی سوگند آنی ھلاپ انت، کشمیر یک سالے ءَ چہ گیش وتی گس آنی توکی ءَ کیز انت، بھارتی زوراکی ءُ ریاستی جنگ ءُ چوپ ءُ ناشرکاری ءَ ابید کشمیری الس وتی وت واجئی ھک ءِ در جنگ ءِ واستہ جزمیگ انت۔ صدر ءِ مملکت ڈاکٹر عارف علوی ءَ کشمیر ءَ یوم ءِ سیاہ ءِ موہ ءَ وتی کلوہ ءَ گوشت کہ 73 سال ءَ چہ پیسر مرچگیں روچ ءَ بھارتی اُرد میاں اوستمانی کانود ءُ بنی آدمی ھک آنی لگت مالی ءَ کنان ءَ سرینگر ءَ پترتگ انت، گوستگیں سال 5 اگست ءَ بھارت ءَ مقبوضہ جموں کشمیر ءِ کشاں چیلی بستار ءُ ایشی ءِ آبادیاتی کوکا ءِ تہ ءَ مٹ کنگ ءِ گامگیج چست کتگ، بھارت ءِ گیر کانودی ءُ یک نیمگی گامگی ءَ را کشمیری الس ، پاکستان ءُ میاں اوستمانی برات آناں رد کتگ۔ آئی ءَ گوشت کہ بھارت ءِ گامگیج میاں اوستمانی کانود، سلامتی کونسل ءِ منوگری ءُ کشمیرر آں چہ بھارتی سوگند آنی ھلاپ انت۔ کشمیری یک سالے ءَ چہ وھد ءُ پاس ءَ وتی گس آنی تہ ءَ کیز انت، صدر عارگ علوی ءَ گوشت کہ کشمیری وتی زمین ءِ سر ءَ در ملکی ءُ وتی دگ آنی سر ءَ آزاتی ءَ گوں چکرت نہ کناں، 80 لکھ کشمیری آناں 9 لکھ ءَ چہ گیش اُرد آں مقبوضہ کشمیر ءِ دمگ ءَ را دگنیا ءِ درستاں چہ مستریں جیل ءُ بندی جاھے جوڑ کتگ۔ آئی ءَ گوشت کہ یونائیٹڈ نیشن ءِ منوگری آنی رد ءَ کشمیری آناں وت واجئی ھک ءِ در جنگ ءَ تاں کمک جاڑی دارگ بیت۔
