اسلام آباد۔ 26 اکتوبر (اے پی پی) بنجائی وزیر صنعت و پیداوار حماد اظہر پارینے کہ اقتصادی ٹک آک ملک اٹی مثبت زرگزرانی رجحان نا ڈیک ءِ تننگ ءُ۔ دوشنبے نادے آ راجی رابطہ نا ویب سائٹ ٹویٹر آ جاری کلہو اٹی اوپارے کہ اسٹاک مارکیٹ اٹ ترندی، کرنسی مارکیٹ اٹی پاکستانی روپئی نا قدر، صنعتی بشخ کون آ سیمنٹ، آٹوموبائل، تعمیرات، کھد سازی و ٹیکسٹائل نا بشخ آتیٹی ودوکی آن داہیت انا عکاسی مننگ ءِ کہ ملک اٹی مثبت زرگزرانی رجحان نا حالیت ءِ و زرگزران مون آ ہِننگ ءِ۔ اوپارے کہ کٹیا تے یکجا کننگ اٹ ودکی مننگ ءِ وخت اس کہ حسابات جاریہ نا کھاتہ ہم فاضل مسنے۔
