ہری پور۔ 26اکتوبر (اے پی پی) بنجائی وزیر توانائی، پٹرولیم و قدرتی وسیلہ عمر ایوب خان، خان پور نا علاقہ گرم تھون و کوٹیڑاٹی 11 کروڑ 58لکھ روپئی نا بھلو فنڈنگ اسے آن سوئی گیس فراوانی ڈٹ انا بنائی دود آن تران کرسا پارینے کہ ضلع غان بروک آ 70 آن 80 سال اکن بجلی و گیس انا بابت ویل آتے چٹفنہ، بروک آ چین تے ویل آتیان پاک ہری پور اس ایتنہ، اِراسال مست کم وولٹیج نا سوب آن بلف آک چنکا لیٹ آتیانبار لگارہ اینو پورو 220 وولٹیج علاقہ نا ہر اُرااسکان سرمننگ ءِتدوک آ دہ سال اقتدار اٹی رہینگوک آ نمائندہ غاک خاچوک ئسر السی خیرخواہی کن اوفک ہچ اس کتوس تینا مسکوہی گونڈ ءُ دور اسے ٹی خان پور روڈ آ کاریم نا بناءِ کرفیسن ہرادے مسکوہی ایم این اے گوجالا و ساڑی ہی ٹی نن خان پور روڈ انا کاریم ءِ پورو کرفینن، مخالف آک ضلع ٹی شونداری کاریم تا جال اس تالان خنسا ہبکئی نا گواچی مسنو نن تینا مسکوہی دور اٹی کھلابٹ انا روڈ آتے پکا کرفین و داسہ ہم روڈ آتا پکا کننگ نا کاریم برجاءِ، کوٹہڑہ، چھوئی، موہڑہ غزن، کامل پور، نجف پور، کھوئی کماں، سراہدنہ، دارتیاں، کھوئی میرا، درہ، بھمالہ، مغل آباد، پنڈگجراں، سورج گلی، چھچھ، رانی واہ، بریلہ، کلنجر و غازی تون اوار ایلو چندی علاقہ غاتیٹی ارب آ روپئی نا سوئی گیس فراوانی نا ڈٹ آتا کاریم ترندی اٹ برجاءِ وخت اس کہ 70،70کروڑ روپئی نا خڑچ آن خان پور، سرائے صالح و گندف اٹی 132،132کے وی نا کے گریڈ اسٹیشن تیا ہم کاریم برجاءِ و 8 ارب روپئی نا خڑچ آن 220 کے وی کے گریڈ اسٹیشن نا تفنگ کن حطار اٹی جاگہ دوئی کننگانے ہرانا پوروی آن بروک آ کیہی دہائی تیکن ضلع غان بجلی نا ویل آک چٹرہ۔ بنجائی وزیر عمر ایوب خان پارے کہ ہری پور نا الس ہرا شرف ءِ گچین کاری تیٹی سرسہبی ترفسا تسنو مچ آ زند اوفتا منت واری ءِ ہرفنگ کپرہ، ہراوونٹ تس اوہم قابل قدر و ہرا تینا جمہوری حق ءِ کاریم اٹ اتسا وونٹ تتو اوہم قابل احترام ءُ۔ غٹ شاری تیان خواست ءِ تینا علاقہ غاتا شونداری و شونہالی کن تین پہ تینی اختلاف آتے است آن درسا اسٹ مرین و السی محرومی تا چٹفنگ کن ننا قافلہ ٹی اوار مریر، سیوت و سخا نا سوب اللہ نا کمک اوار مریک اسُل مایوس کپنہ، بنجائی وزیر عمرایوب خان کیپٹن (ر) صفدر نا کنڈآن مسکوہی صدر ایوب خان آ تنقید نا بابت پارے کہ فیلڈ مارشل ایوب خان ءِ اللہ تعالیٰ عزت تسوسس اونا دور اٹی ملک بے مٹ شون ہلک و پیشن نا دنیا ٹی پاکستان نا وقار بڑز مس کیپٹن صفدر اسہ السی ءُ لیڈر اسے نا مرک آن پد اوڑآ تنقید کرسا تینا اخلاقی پستی نا درشانی ءِ کرینے ای اودے چیلنج کیوہ کہ بروک آ گچین کاری تیٹی مقابلہ کے ہُرے اودے تینا السی مقبولیت نا اندازہ مریک۔
