اسلام آباد۔ 26 اکتوبر (اے پی پی) بنجائی وزیر حوالکاری و شینکاری سینیٹر شبلی فراز پارینے کہ کانود ءِ درکار الس ءِ ریفنگ نا ناپاک کوشست کننگ ءُ، تینا سیاسی فائدہ غاتا خاطر گڑاس سیاسی جماعت الس ءِ قومی ادارہ غاتا برخلاف ہُشکا تننگ نا غلطی کننگ ءُ۔ دوشنبے نادے آ تینا ٹویٹ اٹی بنجائی وزیر حوالکاری و شینکاری سینیٹر شبلی فراز پارے کہ قومی ادارہ غاک ہر ملک انا بقاء و سلامتی نا بنداونا حیثیت تخرہ۔ اوپارے کہ عمران خان اوفتا مون آ نئے مہالو کاٹم ءِ شیف کرے نئے داسہ کاٹم ءِ شیف کیک۔
