اسلام آباد۔25اکتوبر (اے پی پی): بنجاھی وزیر منصوبگ بندی ، دیمروئی ءُ ھاسیں گامگیج اسد عمر ءَ گوشت کہ آزاتی ءَ گوں وتی لیکہ آنی درشان ءِ پڑ ءَ پیغمبر اسلام حضرت محمدﷺ ءِ بے شرپی کنگ ءِ اجازت دیگ ءُ وتی ادارگ ءُ راجدپتر ءَ را شرپ مند نامینگ تل پچیں دو تل ءُ دو پوستی ءُ لائک ءِ ایراد گرگی گامگیج ات۔ یک شمبے ءِ روچ ءَ چاگردی تنج ٹویٹر ءِ سر ءَ جاڑی بوتگیں کلوہ ءِ تہ ءَ آئی ءَ گوشت کہ آزاتی ءَ گوں وتی لیکہ آنی درشان ءِ پڑ ابید سیم سر آں بوت نہ کنت۔ یورپ ءِ 16 ملک آں یہودی آنی مچی ءَ کوش ہولو کاسٹ ءَ چہ بُکگ جنگ جرم نامینگ بوتگ۔ غداری ءِ ایکٹ ءِ چیر دتی ءَ بادشاھی ءَ را ھلاس کنگ ءِ لوٹ ءَ را جرم نامینتگ، برطانیہ ءِ کانود ءِ ایکٹ 490 ءُ 491 ءِ چیر دستی ءَ بادشاھ، کوئین ءِ زھگ آناں بے شرپ کنگ ھم جرم ءِ نامینگ بوتگ۔ آئی ءَ گوشت کہ آزاتی ءَ گوں وتی لیکہ ءِ رد ءَ دگہ نہ وشیں کار کنگ ءِ موہ دیگ ءُ وتی ادارگ ءُ راجدپتر ءَ را شرپ مند نامینگ تل پچیں دو تل ءُ دو پوستی ءُ لائک ءِ ایراد گرگی گامگیج ات۔
