اسلام آباد۔25اکتوبر (اے پی پی): مزن وزیر عمران خان ءَ گوشت کہ نہ وشیں اکس آنی دلبڈی ءَ چہ اسلام ءُ مئے پیغمبر محمدﷺ ءِ بے شرپی کنگ بوھگ ءَ انت، فرانسیسی صدر مانوئل میکرون ءَ اسلام ءَ را پھمگ ءَ ابید نشانگ بندگ ءِ کار ءَ یورپ ءُ سرجمیں دگنیا ءِ لکھانی مسلمان آنی جوزگ ءَ را ڈگار ءَ جتگ، ٹپیگ کتگ۔ یک شمبے ءِ روچ ءَ ٹویٹر ءِ سر ئَ جاڑی کتگیں وتی کلوہ ءَ مزن وزیر عمران خان ءَ گوشت کہ یک لیڈر ءِ پجار ایش انت کہ آ مردم آناں یک مشت کنت۔ نیلسن منڈیلا ءَ مردم آناں بھر کنگ ءِ مٹ ءَ ایشرا یک مشت کتگ، اے وھد انت کہ صدر امانوئل میکرون گیش بھر کنگ ءِمٹ ءَ ناشرکاری ءَ را بدار انت، بھر ءُ بانگ بوھگ ءِ سبب جوڑ بنت۔ مزن وزیر ءَ گوشت کہ نہ وشیں اکس آنی دلبڈی ءَ چہ اسلام ءُ مئے پیغمبر محمدﷺ ءِ بے شرپی کنگ ءَ انت۔ صدر میکرون ءَ ءَ اسلام ءَ پھمگ ءَ ابید اے رنگیں گامگیج ءَ چہ یورپ ءُ سرجمیں دگنیا ءِ لکھانی کساس ءِمسلمان آنی جوزگ آناں ڈگار ءَ جتگ۔
