میانوالی۔24اکتوبر (اے پی پی): مزن وزیر عمران خان ءَ پنت ءُ شون کتگ کہ زالبولاں وانگ ءُ زانگ ءِ پڑءَ حاسیں آسراتی دیئگ ءِ سرءَ دلگوشی دیئگ بہ بیت۔ مزن وزیر کارگس ءِ میڈیا ونگ ءِ نیمگ ءَ چہ جاری بیان ءِ ردءَ مزن وزیر ءَ اے پنت ءُ شون کیڈٹ کالج عیسی ٰ خیل ءَ نوکیں ہاسٹل بلاک ءِ بُنگیج ءَ پد 19 ارب کلدار ءِ میانوالی دیمروئی پیکیج ءَ ہوار منصوبہ آنی سرءَ شونست داتگ ءُ کتگ۔ مزن وزیر عمران خان ءَ کیڈٹ کالج عیسیٰ خیل ءَ نوکیں ہاسٹل بلاک ءِبُنگیج کتگ، مزن وزیر ءَ پولیو ءِ پِٹوکی وارینتگ ءُ پولیو مہم ءِ بندات کتگ ءُ نہالے ہم کِشتگ۔ اے موہ ءَ مزن وزیر عمران خان ءَ حاس خٹک بیلٹ ءِ ھاترءَ ساپیں آپیں سپلائی ءِ منصوبہ ءِ بُن اِشت ایرکتگ۔ ساپیں آپ ءِ سپلائی منصوبہ ءِ کُل حرچ 3.2 ارب کلدار اِنت کہ ایشی ءِ تہ ءَ 80 درسد بنجاہی حکومت ءُ 20 درسد پنجاپ حکومت دانت۔ اے منصوبہ ءَ چہ یک روچے 3.4ملین گیلن آپ ءِ سپلائی بوت کنت ، کم ءُ گیش اڑھائی لکھ آباتی ءِ 87 کوچک ءُ 151 دمگاں آپ سربیت۔ اے منصوبہ ءِ ھاترءَ شمسی توانائی ءِ وسیلگ ءَ بجلی حاصل بیت ءُ سرجمی ءَ پد حُشک سال ءِ ھاترءَ تاں 3 ماہ آنی ھاترءَ آپ مُچ کنگ بیت۔ مزن وزیر ءَ را 19 ارب کلدار ءِ میانوالی دیمروئی پیکیج ءَ ہوار دگانی شرکنگ ءُ مزن کنگ، 46 آ پ ءِسپلائی منصوبہ آنی بحالی، تحصیل ہسپتال پپلاں ءُ تحصیل ہسپتال کالاباغ ءِ جوڑ کنگ ءُ آئی ءِ تہ ءَ آسراتی سرکنگ ، 200 نپادانی چُک ءُ ماتی نادراہ جاہ ، وانگ جاہ آں 400 کلاس آنی گیشی، 77 کونیں وانگ جاہ آنی ماڑی آنی تعمیر ءُ میانوالی یونیورسٹی ءِ منصوبہ ءِ سرءَ بوتگیں کارانی سرءَ شونست دیئگ بوتگ۔
