کراچی۔24اکتوبر (اے پی پی): ملک مستر ڈاکٹر عارف علوی ءِ سروکی ءَ فیڈرل اُردو یونیورسٹی ءِ سینیٹ ءِ گورنر گس کراچی ءَ 44 می دیوان بوتگ۔ دیوان ءَ یونیورسٹی ءِ چِن ءُ لانچی ءُ مال ءُ زری پڑءِ سرءَ ھیال ءُ لیکہ ءِ درشانی کنگ بوتگ۔ اے موہ ءَ ملک مستر ڈاکٹر عارف علوی ءَ گشتگ کہ اُردو یونیورسٹی ءَ پاکستان ءِ گہتریں یونیورسٹی جوڑ بوت کناں۔ آئی ءَ گشتگ کہ یونیورسٹی ءِ سینیٹ یونیورسٹی ءِ جیڑہ ءُ جنجالاں گیشءُ گیوار کنگ ءِکوشست گشاد بہ کنت۔ دیوان ءَ قائم مقام وائس چانسلر پروفیسر ڈاکٹر روبینہ مشتاق، سینیٹ ءِ ڈپٹی چیئرمین، محمد جاوید اشرف حسین، قائم مقام رجسٹرار، ڈاکٹر محمد ڈارین ءُ سینیٹ ءِ ایندگہ باسک ہوار بوتگ اَنت۔
