میانوالی۔24اکتوبر (اے پی پی): مزن وزیر عمران خان ءَ پاکستان ءِ ازمکاریں ورنا آنی واستہ سستائیں ءُ مزن کد ءُ بالادیں زانشت ءِ موہ آنی پجاری ءِ سر ءَ زور پردیان ءَ گوشت کہ مزن وانگ ءُ زانگ ءَچہ دیمروئی کنوکیں چاگرد ءِ بنیات ءِ سر ءَ بنت انت۔ اے ھیالانی درشانی آئی ءَ نمل کالج سٹی ءِ بن ھشتی سنگ ءُ انفراسٹرکچر ڈویوپلمنٹ ءُ عطیہدیگ ءِ ھوالگ ئَ بریفنگ ءِ موہ ءَ مراگش ءَ گوں گشتانک دیان ءَ کت۔ مزن وزیر عمران خان ءَ ھاسیں مہمان ءِ بستار ءَ نمل نالج سٹی ءِ بن ھشتی سنگ ءِ موہ ءَ مراگش ءَ شریک ات ، اے موہ ء، سر ءَ مزن وزیر ءَ را بریفنگ دیان ءَ اولی بھر ءِ سرجمی ءَ چہ پد 10 ہزار ءَ چہ گیش گریبیں دمگ آنی نودربر نالج سٹی ءَ چہ سیت چست کت کناں۔ ایش ھم کنگل بوت کہ اے منصوبگ ایٹماسپیئر دوست ءُ گرین سٹریکچر ءِ نوکتریں نمونگ بیت۔ مزن وزیر ءَ گوشت کہ منی مول ءُ مراد ایش انت کہ اے ادارگ میاں اوستمانی نامداریں بے مٹیں ادارگ ءِ جوڑ بہ بیت۔
