یونائیٹڈ نیشن مرچی ھم مھکمیں ایمنی ءُ مول ءُ مرادی یکوئی ءِ ھوالگ ءَ بنی آدم آنی واستہ جوانیں امیت ات، صدر ءِ مملکت ڈاکٹر عارف علوی ءِ یونائیٹڈ نیشن ءِ برجائی ءِ ھپتاد ءُ پنچمی سالروچ ءِ موہ ءَ کلوہ

اسلام آباد۔24اکتوبر (اے پی پی): صدر ءِ مملکت ڈاکٹر عارف علوی ءَ گوشت کہ یونائیٹڈ نیشن انوگ ءَ ھم مھکمیں ایمنی ءُ مول ءُ مرادی کمک آنی ھوالگ ئَ بنی آدم آنی واستہ جوانیں امیت ات، میاں اوستمانی ایمنی ءُ سلامتی ءَ چہ مھکمیں دیمروئی ءُ موسمی مٹ ءُ بدلی ءَ تاں ٹوھیں جیڈھ آں چہ در کپت ءِ واستہ توامیں باسکیں ملک آنی نیمگ ءَ یکجائی گامگیج کنگ ءِ ضلورت انت، پاکستان استیں جیڈھ ءُ آیوکیں دیمے جیڈھ ءُ موسمی مٹ ءُ بدلی ءِ رد ءَ سول ءُ تران سفارتکاری ءُ کمک ءِ بنیات ءَ یونائیٹڈ نیشن ءِ مشن ءَ را دیمروئی دیگ ءِ واستہ میاں اوستمانی برات آنی گوما یکجائی ءَ کار کنگ ءِ واستہ تیار انت، یونائیٹڈ نیشن ءُ ایشی ءِ سلامتی کونسل گیر کانودی رنگ ءَ مقبوضہ جموں کشمیر ءَ بنی آدمی ھک آناں لگت مال کنگ ءَ را گر ءُ دار کنگ ءُ کشمیری الس آناں وت واجئی دیگ ءِ پڑ ءَ وتی کرد ءَ پیلو بکن انت۔ اے ھیالانی درشانی آئی ءَ یونائیٹڈ نیشن ءِ جوڑیشت ءِ 75 ھپتاد ءُ پنچمی سالروچ ءِ رد ءَ وتی کلوہ ءَ گوشت۔ آئی ءَ گوشت کہ پاکستان یونائیٹڈ نیشن ءِ 75 ھپتاد ءُ پنچمی سالروچ میاں اوستمانی برات آنی گوما یکجائی ءَ برجم دارگ ءَ انت، جنگ ءُ تباھی ءَ چہ پد دیم ءَ سہرا بوھوکیں میاں اوستمانی یک مشتگیں راج ، دوستی ءُ یکوئی ءِ نماھندگی ءَ کنت انت، یونائیٹڈ نیشن ءِ چارٹر ءِ وسیلگ ءَ اے جوڑیشتکار آں میاں اوستمانی ایمنی ءُ سلامتی، دیمروئی ، بنی آدم آنی ھک ءُ شرپ ءِ واستہ یکجائی ءَ کار کنگ ءِ جزم ءِ درشان کتگ بوتگ۔
(OAB)