اسلام آباد۔23اکتوبر (اے پی پی): مزن وزیر عمران خان ءَ گوں گورنر سندھ عمران اسماعیل ءُ عقیل کریم ڈھیڈی ءَ آدینگ ءَ ادا گند ءُ نند کت۔ مزن وزیر میڈیا کارگس ءِ رد ءَ گند ءُ نند ءَ عقیل کریم ڈھیڈی ءَ صنعت آنی دیمروئی ءِ بابت ءَ مزن وزیر ءَ را زاتی واھگ آنی پد ءَ شگر ءُ منت گران ءَ گوشت کہ کاروبار ءُ صنعتی کار آنی دیمروئی ءِ ھوالگ ءَ حکومتی کوشست ءُ پالیشی آنی نتیجگ ءَ کاروباری برات آنی یکوئی برجا بوتگ ءُ ملک ءَ کورونا ءِ جاور ھال ءُ صوبہ سندھ ھاسیں رنگ ءَ کراچی ءَ ھور ءِ سبب ءَ تاوان ءَ چہ پد کاروبار چست ءُ ایر برجا کنگ ءَ کمک رسیت۔ آئی ءَ گوشت کہ کاروباری برات آنی آسراتی دیگ ءُ کسانیں ءُ درنیامی درجگ ءِ سروک ءَ چہ ملکی معیشت ءِ پد ءَ پازیٹیو رند پد سہرا بیت۔ اے موہ ءِ سر ءَ مزن وزیر ءَ گوشت کہ ملک ءَ صنعتی کار آنی برجائی کسانی ءُ درنیامی درجگ ءِ صنعت کار آناں ھمک رنگیں آسراتی پجاری کنگ حکومت ءِ اولی ترجی انت ایشی ءَ چہ ناں ایوک ءَ معاشی کار ءَ ترندی کئیت بلکینگ ءَ ورنا آنی واستہ نوکری ءِ موہ ءُ دولت ءِ پیداوار ءَ را دل یکیمی جوڑ کنگ ءَ کمک رسیت۔
