کوئٹہ۔ 23 اکتوبر (اے پی پی) آئی جی ایف سی ساؤتھ بلوچستان میجر جنرل سرفراز علی، سیکٹر کمانڈ ساؤتھ بریگیڈیئر ثاقب نثار ئسک ونگ کمانڈر ایف سی 148 ونگ تفتان رائفلز نا کمانڈر طارق حسین تون اوار پاک ایران سیمی علاقہ راجئے نا سرجم دورہ ءِ کریر داوخت آ سیمی علاقہ نا سروک قبائلی راہشون و بلوچستان عوامی پارٹی نا ضلعی صدر میر اسفند یار خان یارمحمد زئی، دفعدار ستاریار محمد زئی، شہداد خان یار محمد زئی حاجی محمد یعقوب یار محمد زئی ، ملک لقمان یار محمد زئی، عبدالغنی یار محمد زئی تون اوار ایلو سرکڑدہ غاک ہم ساڑی ئسر۔ قبائلی راہشون میر اسفند یار محمد زئی آئی جی ایف سی ساؤتھ بلوچستان میجر جنرل سرفراز علی، سیکٹر کمانڈ ساؤتھ بلوچستان بریگیڈیئر ثاقب نثار و ایلوفتے بخیر اٹ پارسا علاقہ نا ویل آتا بارواٹ سرجم وڑاٹ معلومدار کرے و ہموڑے ساڑی قبائلی سرکڑدہ غاتا سفت ءِ ہم کرے خاص وڑاٹ ایف سی بلوچستان نا کنڈآن اسکول آتا ملنگ آ اوفتا خصوصی وڑاٹ منت واری ءِ ہرفے و پارے کہ ایف سی بلوچستان نا کنڈآن راجئے وادیان، گوالشتاپ و ایب وکیب اٹ پورو امن و ایمنی برقرار ءِ ایف سی علاقہ ٹی اجتماعی کاریم کرینے ہراکہ نیک بختی اسے۔ اوپارے کہ ملکی دفاع و سلامتی نا خاطر الس ہم ایف سی بلوچستان تون سلوک ءِ ایف سی نا بہادر ورناک دلیری و نرزوری نا درشانی ءِ کرسا صوبہ ٹی امن و سلامتی ءِ پک کرینو۔ اوپارے کہ سیمی علاقہ غاتا مخلوق ہم است اٹ محب وطن و سچا پاکستانی ءُ۔ بلوچستان اٹی امن و ایمنی ءِ برقرار تخنگ کن ایف سی نا قربانیک دے انا روشنائی آنبار پاش ءُ، الس ایف سی تون اواری اٹ ملکی دفاع و سلامتی نا خاطر ہروڑنا قربانی تننگ کن تیار ءُ۔ داوخت آ آئی جی ایف سی ساؤتھ بلوچستان پارے کہ فرنٹیئر کور بلوچستان سیمی علاقہ غاتا مخلوق نا ویل آتے ایسر کننگ نا ہروڑ کوشست کننگ ءِ، ایف سی و الس نا نیام اٹ ہچ ءُ پرخ اس اف امن و ایمنی و ایلمی نا مون آ دننگ کن پبی وڑاٹ تینا کڑد ءِ ادا کینہ، اوپارے کہ سیم تا رکھ ءِ کننگ کن ایف سی داجاگہ نا الس و قبیلہ غاتا کمک اٹ ہراول دستہ نا کڑد ءِ ادا کرینے۔ اوپارے کہ سیمی علاقہ راجئے وادیان و گوالشتاپ اٹ دیر بجلی، تعلیم و جان جوڑی نا بشخ جوڑ کننگ و اوفتا فعالیت نا بابت بڑزکو کمامدارآتون ہیت کینہ۔
