پاکستان تحریک انصاف ڈسٹرکٹ کوئٹہ نا صدر حاجی سیف اللہ خان کاکڑ نا ’’اے پی پی‘‘ تون گپ وتران

عبرتناک شکست پی ڈی ایم نا مقدر ءِ
کوئٹہ۔ 22 اکتوبر (اے پی پی) پاکستان تحریک انصاف ڈسٹرکٹ کوئٹہ نا صدر حاجی سیف اللہ خان کاکڑ پارینے کہ ساڑی حالیت آتیٹی اپوزیشن نا جلسہ ملک ءِ نزوری آن دوچار کننگ نا دانستہ کوشست اسے دا جلسہ الس نا ویل آتا ایسری کن مسکہ تو اخہ جوان مسکہ ولے دا غٹ ڈرامہ بازی بیرہ دُزی کروک آ دولت ءِ ڈکنگ کن ءِ۔ داخیال آتا درشانی ءِ پاکستان تحریک انصاف ڈسٹرکٹ کوئٹہ نا صدر حاجی سیف اللہ خان کاکڑ’’اے پی پی‘‘ تون خصوصی گپ وتران کرسا کرے۔ اوپارے کہ کیہی وار اقتدار اٹ بروک آتے ملک و قوم انا فائدہ و سلامتی و سوگوی تون ہچ ءُ کاریم اس اف اقتدار آن مُری اوفتے گنوک کرینے وخت اس کہ وڈی خوری نا کیس آک اوفتا کاٹم تیا لڑونج تلوار آنبار ءُ ہنداسوب ءِ کہ او نن افن تو ہچ اس اف نا مصداق ملک و قوم ءِ گہیو تخنگ ءِ اوفتے ملک انا سوگوی نا ہم ہچ ءُ پرواہ اس اف اوفتے بیرہ تینا فائدہ نظر بننگ ءِ و این آر او ہلنگ کن او ملک ءِ نزوری نا کنڈآ دننگ ءُ۔ اوپارے کہ انشاء اللہ تعالیٰ داوخت تو خیروخیریت اٹ گدرینگک ولے اوکان پد دا مخلوق وخت اس ہم قوم ءِ مون ءِ نشان تننگ نا قابل مفسہ۔ تینا دُزی نا پڑدہ ءِ اوفک تینٹ قوم انا مون آ پاش کرینو۔ اوپارے کہ عمران خان تون مچ آ قوم سلوک ءِ ۔ عبرتناک شکست پی ڈی ایم نا مقدر ءِ۔