اسلام آباد۔ 23 اکتوبر (اے پی پی) نیشنل کمانڈ اینڈ آپریشن سینٹر (این سی او سی) کورونا دین انا بابت تازہ حساب وکتاب جاری کرینے۔ جمعہ نادے آ این سی او سی آن جاری کروک حساب وکتاب نارداٹ تدوک آ 24 گھنٹہ ٹی کورونا نا 736 ناجوڑ آتا ٹیسٹ مثبت بس و 13 بندغ دا دین آن زوال کریر ہرافتیان 12 ناجوڑ ہسپتال آتیٹی و اسہ ناجوڑ اس اُراٹی قرنطینہ ٹی دا دین آن زوال کرے۔ تدوک آ 24 گھنٹہ ٹی کوویڈ۔ 19 نا 27 ہزار 50 ٹیسٹ کننگا ہرافتیان سندھ اٹی 6 ہزار 551، پنجاب اٹی 10 ہزار 957، خیبرپختونخوا ٹی 2 ہزار 750، اسلام آباد اٹی 4 ہزار 704، بلوچستان اٹی 1 ہزار 98، گلگت بلتستان اٹی 380، آزاد کشمیر اٹی 610 ٹیسٹ اوار ءُ۔ داتم اسکان مچ آ ملک اٹی کوویڈ۔ 19 آن دراخ جوڑ مروک آتا کچ 3 لکھ 9 ہزار 646 مسنے۔ آزاد کشمیر و بلوچستان اٹی کوویڈ۔ 19 نا اسہ ناجوڑ اس ہم داوخت آ وینٹی لیٹر آ اف وخت اس کہ مچ آ ملک اٹی کورونا کوویڈ۔ 19 کن جتا 1 ہزار 884 وینٹی لیٹر آتیا کوویڈ۔ 19 نا 89 ناجوڑ ءُ۔ مچ آ ملک اٹی کوویڈ۔ 19 ناایکٹیو کیس آتا کچ 9 ہزار 855 ءِ۔ مچ آ ملک اٹی کورونا دین آن زہمی بندغ آتا کچ 3 لکھ 26 ہزار 216 ءِ ہرافتیان آزاد کشمیر اٹی 3 ہزار 688، بلوچستان اٹی 15 ہزار 767، گلگت بلتستان اٹی 4 ہزار 127، اسلام آباد اٹی 18 ہزار 578، خیبرپختونخوا ٹی 38 ہزار 886، پنجاب اٹی 1 لکھ 2 ہزار 253و سندھ اٹی 1 لکھ 42 ہزار 917 ناجوڑ ءُ۔ مچ آ ملک اٹی کوویڈ۔ 19 آن زوال کروک آتا کچ 6 ہزار 715 ءِ ہرافتیان سندھ اٹی 2 ہزار 591 وخت اس کہ تدوک آ بیست ءُ چار گھنٹہ ٹی 1 ناجوڑ اس ہسپتال اٹی دا دین انا سوب آن زوال کرے، پنجاب اٹی 2 ہزار 329مرک وخت اس کہ تدوک آ بیست ءُ چار گھنٹہ ٹی 6 ناجوڑ ہسپتال آتیٹی دا دین آن زوال کریر۔ خیبرپختونخوا ٹی 1 ہزار 267 مرک وخت اس کہ تدوک آ بیست ءُ چار گھنٹہ ٹی اسہ ناجوڑ اس ہسپتال اٹی دا دین آن زوال کرے۔ اسلام آباد اٹی کل 205 مرک ہرافتیان تدوک آ بیست ءُ چار گھنٹہ ٹی 4 ناجوڑ ہسپتال آتیٹی دا دین انا سوب آن زوال کریر۔ بلوچستان اٹی 148 مرک، گلگت بلتستان اٹی 90 مرک، آزاد کشمیر اٹی دا دین آن 85 مرک وخت اس کہ تدوک آ بیست ءُ چار گھنٹہ ٹی دا دین آن اسہ ناجوڑ اس اُراٹی قرنطینہ ٹی دا دین آن زوال کرے۔ داتم اسکان مچ آ ملک اٹی کوویڈ۔ 19 نا 42 لکھ 4 ہزار 320 ٹیسٹ کننگانے۔ مچ آ ملک اٹی کوویڈ۔ 19 نا درمان کن جتا 735 ہسپتال آتیٹی 845 ناجوڑ درمان مننگ ءُ۔
