اسلام آباد۔ 23 اکتوبر (اے پی پی) قومی اسمبلی ءِ پاننگانے کہ یوٹیلیٹی اسٹورز کارپوریشن تدوک آ ہشت سال اٹی 19 لکھ 7 ہزار 910 میٹرک ٹن بورہ دوئی کرینے۔ جمعہ نادے آ قومی اسمبلی ٹی طاہرہ اورنگزیب نا سوج آ بنجائی وزیر صنعت و پیداوار محمد حماد اظہر ایوان ءِ نوشتہی وڑاٹ معلومدار کرے کہ یوٹیلیٹی اسٹورز کارپوریشن دا بورہ غاتے 47.50 روپئی آن ہلیس 88.10 روپئی نا حساب اٹ دوئی کرینے۔ ایوان ءِ پاننگاکہ کارپوریشن سرکاری وڑوڈول انا رداٹ ہندا مقدار اٹ بورہ دوئی کرینے۔ 25 اپریل 2014ء ٹی کابینہ نا اقتصادی رابطہ کمیٹی نا فیصلہ نا رداٹ شوگر مل آتون براہ راست بورہ دوئی کننگا۔ ہنداوڑ ٹریڈنگ کارپوریشن نا کمک اٹ ہم یوٹیلیٹی اسٹورز آک بورہ دوئی کرینو۔
