اسلام آباد۔22اکتوبر (اے پی پی): مزن وزیر عمران خان ءَ گوں پاکستان ءِ نامداریں ایکسپورٹر آنی ڈل ءَ گوں پنچ شمبے ءِ روچ ءَ ادا گند ءُ نند کت۔ گند ءُ نند ءَ بنجاھی وزیر محمد حماد اظہر ، سید علی زیدی، فیصل واوڈا، شمیر عبدالرزاق دائود، ڈاسکٹر عبدالحفیظ شیخ، ڈاکٹر عشرت حسین، ھاسیں کمکار سید ذوالفقار عباس بخاری، گورنر سندھ عمران اسماعیل، گورنر سٹیٹ بینک رضا باقر، چیئرمین ایف بی آر ، چیئرمین ای او بی آئی ءُ کلانہ ایں اپسرگ آں بھر زوری کت۔ ڈل ءَ اوورسیز انویسٹرز چیمبر آف کامرس، پاکستان بزنس کونسل، آٹو موبیلز سیکٹر، ٹینرز ایسوسی ایشن، ہوزری، فشریز، گارمنٹس، فارماسوٹیکل انڈسٹری، اسٹیل ، ٹیکسٹائل ءُ ایندگر کارخانہ آں گوں بندوکیں کاروباری بامرد اے ساھت ءَ ھوار اتنت۔ مزن وزیر میڈیا کارگس ءِ رد ءَ ڈل ءَ برآمدت کنگ ءِ پڑے گیشی ءِ ھوالگ ءَ حکومتی پالیسی ءُ گامگیج آنی سر ءَ مزن وزیر ءُ آئی یے معاشی ٹیمب ءَ را توسیپ ءُ ستا پیش کت۔ ڈل ءَ مزن وزیر ءَ را گوشت کہ حکومتی پالیشی آنی نتیجگ ءَ کاروباری برات آنی دلبڈی برجا مان اتگ ایشی ءِ سبب ءَ معاشی کار ءِ تہ ءَ گیش ترندی اتکگ۔ اے ھوالگ ءَ ڈل ءَ برآمدی چیز آنی تہ ءَ گیش گیشی کنگ، ایکسپورٹ آرڈرز، توکی رنگ ءَ سیمنٹ، اسٹیل، آٹو موبیلز ءِ بھا زوری ءَ گیشاں چہ گیش گیشی ءِ تران کت۔ ڈل ءِ ممبر آں ایکسپورٹ ءِ تہ ءَ گیشی ءُ ملکی کار رپک آناں کارمرد کنگ ءِ ھوالگ ءَ جتا جتائیں شور ءُ سلاھ مزن وزیر ءَ را پیش کت انت۔ مزن وزیر ءَ ایکسپورٹر آناں ءُ صنعت کار آناں دل یکیمی دات کہ اے نیمگ ءَ پیش کتگیں ھمک لائکیں شور ءُ سلاھ آنی سر ءَ چار ءُ بچار کنگ بیت تانکہ کاروباری برات آنی واستہ گیشاں چہ گیش آسانی ءُ آسراتی پجاری بوت بکنت۔
