27اکتوبر 1947انسانی تاریخ انا تہار ءُ دے اسے دادے ءِ نن ہمیشہ تہاردے انا وڑاٹ اڈ ایتنہ، راجی و قبائلی راہشون مرزا شمشاد

کوئٹہ۔ 22 اکتوبر (اے پی پی) راجی و قبائلی راہشون مرزا شمشاد پارینے کہ 27 اکتوبر 1947ء انسانی تاریخ نا تہار ءُ دے اسے دادے ءِ نن مدام تہاردے انا وڑاٹ اڈ ایتنہ۔ بھارت مقبوضہ کشمیر اٹی دہشت گردی نا چاگڑد ءِ برجاتخانے۔ بھارتی بیدادی نا برخلاف بلوچستان نا الس 27 اکتوبر ءِ تہاردے انا وڑاٹ اڈایترہ۔ داخیال آتا درشانی ءِ او اے پی پی تون گپ وتران کرسا کرے۔ بھارتی فوج انا ظالمانہ چم و ظلم و جور آن پد ہم کشمیریک تینا حق خودارادیت نا خواست آن اسہ اینچ اس ہم پدی متنو۔ بھارت نوشتہ دیوار ءِ خوانے و کشمیر نا جھیڑہ نا پرامن ایسری کن اقوام متحدہ نا قرارداد آتیا عمل کے، پاکستان مقبوضہ جموں و کشمیر نا الس نا اخلاقی، سفارتی و سیاسی مخ تفی ءِ برجاتخک۔ اوپارے کہ بھارت نا ظلم و جور ہم برجاءِ۔ جہانی برادری تون وعدہ و جموں و کشمیر نا بابت اقوام متحدہ نا سلامتی کونسل نا چندی قرارداد آتیان پد ہم بھارتی حکومت مقبوضہ کشمیر اٹی دہشت گردی نا چاگڑد ءِ برجاتخانے۔ اوپارے کہ کشمیر پاکستان ہرحال اٹ مریک۔