کشمیر آن بیدس پاکستان نامکمل ءِ، بلوچستان نا الس کشمیری تا سیاسی، اخلاقی و سفارتی مخ تفی ءِ برجاتخک، پاکستان یوتھ پیس موومنٹ نا چیئرمین ارباب ناصر حیدر کاسی نا ’’اے پی پی‘‘ تون گپ وتران

کوئٹہ۔ 22 اکتوبر (اے پی پی) پاکستان یوتھ پیس موومنٹ نا چیئرمین ارباب ناصر حیدر کاسی پارینے کہ 5 اگست آ بھارت ریاستی دہشت گردی و درواٹ مقبوضہ جموں و کشمیر اٹ آبادی نا تناسب ءِ بدل کننگ نا ظالمانہ گام ءِ ہرفے۔ 27 اکتوبر 1947تاریخ نا تہار ءُ دے اسے دادے ءِ ہرسال صوبہ بلوچستان تون اوار مچ آ ملک اٹ مدام تہار دے انا وڑاٹ اڈتننگک۔ اقوام عالم ءِ مقبوضہ کشمیر اٹ انسانی حق انا خلاف ورزی تے تورفنگ کن تینا کڑد ءِ ادا کروئی مریک، کشمیر آن بیدس پاکستان بے پورو ءِ۔ بلوچستان نا الس کشمیری تا سیاسی، اخلاقی و سفارتی مخ تفی ءِ برجاتخک۔ داخیال آتا درشانی ءِ او پنچ شنبے نادے آ ’’اے پی پی‘‘ تون گپ وتران کرسا کرے۔ ارباب ناصر حیدر کاسی پارے کہ بھارتی ریاستی دہشت گردی آن لکھ آ کشمیری چناک چوری مننگ ءُ۔ جہانی برادری تون اوار غٹ جہانی تنظیمک مقبوضہ کشمیر اٹی آبادی نا تناسبءِ بدل کننگ نا شرمناک بھارتی ڈٹ انا نوٹس ءِ ہلیر۔ نن کشمیری تے اوفتا جہد آجوئی آ سلام پیش کینہ و کہینگ اسکان اوفتے تون سلوک اُن۔ پاکستان یوتھ پیس موومنٹ نا چیئرمین ارباب ناصر حیدر کاسی مستی پارے کہ بھارت لکھ آ کشمیری تا انسانی حق ءِ غصب کرسا اوفتے گھیڑ کرینے، اقوام متحدہ و سلامتی کونسل نا قرارداد آتا رداٹ حق خودارادیت مظلوم کشمیری تا بنداوی حق ءِ۔ اقوام عالم ءِ مقبوضہ کشمیر اٹی انسانی حق انا خلاف ورزی تے تورفنگ کن تینا کڑد ءِ ادا کروئی مریک۔ اوپارے کہ مقبوضہ کشمیر اٹی ریاستی دہشت گردی کروک آ بھارت نا دروشم مچ آ دنیا نا مون آ پاش مسنے۔کودک کشمیریک دہائی تیان اقوام متحدہ نا قرارداد و جہانی کانود نا رداٹ حق رائے دہی نا دوئی کننگ کن بھارتی ظلم و جور انا برخلاف تینا جون تے ندر کننگ ءُ۔ اوپارے کہ انشاء اللہ کشمیر مریک پاکستان۔