اسلام آباد۔ 22 اکتوبر (اے پی پی) وزارت انسانی حق پارینے کہ زینب الرٹ ایپ چناتتون بدسلوکی و گمشدگی نا واقعہ غاتے رپورٹ کننگ نا اسہ آسان و گچین ءُ پلیٹ فارم اس مہیا کرینے۔ وزارت انسانی حق انا رداٹ زینب الرٹ ایپ آن چناتتون بدسلوکی و گمشدگی نا بابت ہندی کمامدارآتے دمدستی کارروائی کننگ اٹ کمک رسینگک۔ زینب الرٹ آ رپورٹ کننگ کن پاکستان سٹیزن پورٹل نا موبائل ایپلی کیشن آ رجسٹریشن آن پد زینب الرٹ نا آپشن اٹ درکار معلومداری درج کننگ مریک ہراٹی دستاویز، عکس، ویڈیوز، آڈیوہم گدریفنگ نا آسراتی ساڑی ءِ۔ دا ایپ انا کمک اٹ الس تینا غاوتے مانیٹر و ٹریک ہم کننگ کیک۔ داکان بیدس پاکستان سٹیزن پورٹل نا ویب سائیٹ آہم رجسٹرڈ مرسا زینب الرٹ نا بابت غاو درج کرفنگ مریک۔ الس ہر سرکاری ادارہ، دفتر آ ہنسا رجسٹریشن کرسا تینا کنڈآن غاو درج کرفنگ کیک۔
