اسلام آباد۔ 22 اکتوبر (اے پی پی) وزیر خارجہ مخدوم شاہ محمود قریشی پنچ شنبے نادے آ ازبکستان نا وزیر خارجہ عبدالعزیز کمیلوف تون ٹیل فون آ رابطہ کرے۔ ہیت وگپ اٹی ہڑتوم آ کنڈآتا تعلقداری، علاقائی حالیت آتون اوار تین پہ تینی است خواہی نا باندات آتیا گپ وتران کننگا۔ ہڑتوم آ وزیر خارجہ غاک پاکستان و ازبکستان نا نیام اٹ ہڑتوم آ کنڈآتا واپار نا کچ ءِ ودفنگ آ امنا کریر۔ وزیر خارجہ پارے کہ پاکستان و ازبکستان نا نیام اٹ برادرانہ تعلقداری ءِ۔ ہڑتوم آ ملک آتا سرکڑدہ غاک پاکستان و ازبکستان نا نیام اٹ ہڑتوم آ کنڈآتا تعلقداری تے پین سوگو کننگ کن سنبرینگوک ءُ۔ وزیر خارجہ مخدوم شاہ محمود قریشی کورونا دین اٹی، ازبکستان اٹی رہینگوک پاکستانی کمیونٹی نا خصوصی خیال ءِ تخنگ آ ازبک تینا ہم منصب نا منت واری ءِ ہرفے و پارے کہ پاکستان و ازبکستان نا نیام اٹ ہڑتوم آ کنڈآتا سیاسی سلابت نا بنائی دور اسلام آباد اٹی زوت اڈ ہلیک۔ ہڑتوم آ وزیر خارجہ غاک پاکستان و ازبکستان نا نیام اٹ ہڑتوم آ کنڈآتا واپار نا کچ ءِ ودفنگ آ امنا کریر۔ شاہ محمودقریشی پارے کہ پاکستان اوغانستان تون اوار ڈیہہ ٹی امن کن تینا خیرخواہی کوشست آتے برجاتخنگ کن سنبرینگوک ءِ۔ وزیر خارجہ مخدوم شاہ محمود قریشی ازبکستان ءِ تروک آ دورہ پاکستان نا سلہ ءِ دُوارہ پارے۔ ازبک وزیر خارجہ،وزیر خارجہ مخدوم شاہ محمود قریشی نا منت واری ءِ ہرفسا، دینی حالیت آتیٹی گچینی آن پد دورہ پاکستان آ آمادگی نا درشانی ءِ کرے۔ ہڑتوم آ وزیر خارجہ غاک اہم ہڑتوم آ کنڈآتا و اہم علاقائی باندات آتیا سلابت نا چرجوئی ءِ برجاتخنگ آ ہم امنا کریر۔
