اسلام آباد۔21اکتوبر (اے پی پی): بنجاھی وزیر اھوالکاری ءُ شنگ کاری سینیٹر شبلی فراز ءَ گوشت کہ برطانوی حکومت ءَ را سفارتی وسیلگ آنی بابت ءَ سئیگ کتگ کہ کریمینل نواز شریف آمید گس آں لوٹ کتگ، میزبان ملک ایشرا پاکستان ءِ ھوالگ ءَ بکنت، گوستگیں وھد ءَ ھمے سیاستدان آنی گڈی ٹھکانہ آنی سبب ءَ برطانیہ، امریکہ ءَ ھوار ایندگر ملک آنی گوما مجرم ٹرانسفر کنگ ءِ منوگری نہ بوتگ، کراچی واکیہ ءِ سر ءَ آرمی چیف ءُ سندھ حکومت ءِ انکوائری رپوٹ ءِ ھوالگ ءَ دیم ءَ آیوکیں سپارش آنی سر ءَ سندھ حکومت ءِ زمہ واری بیت کہ آ ایشرا پد ءُ رند بکنت، بلاول بھٹو ءُ مریم نواز پت ءُ پیروکی سیاست دان انت، کیاسگری ءِ کار اچ رنگ ءَ نہ اوشت ایت، زوت توامیں کرپشن کنوک جیل آنی تہ ءَ بنت، ایش ھم بوت کنگ کہ کراچی واکیہ ءَ سندھ حکومت ءَ را وتی کرد ایوک ءَ کرپشن ءَ چہ وت ءَ رکھینگ ءِ واستہ ادارگ آنی گوما جنگ ءِ جاور جوڑ کنگ ءَ انت، گواچنی اپوزیشن ءِ اچ راستی ھم نیست، پروڈکشن آڈر ، سروک آنی کرپشن ءَ را چیر دیگ ءِ واستہ گواچنی اپوزیشن سیت چست کنوکیں ٹولہ ات۔ آ چار شمبے ءِ روچ ءَ پی آئی ڈی ءَ پریس کانفرنس ءَ گوں گشتانک دیان ءَ کت۔ بنجاھی وزیر اھوالکاری ءُ شنگ کاری سینیٹر شبلی فراز ءَ گوشت کہ معیشت ءِ تہ ءَ یک شل ءَ گہتری پیداک انت، مئے ایکسپورٹ گیش بوھگ ءَ انت، ملک ءَ کاروباری جاور ھال آنی تہ ءَ جوانی ءُ گہتری پیداک انت، ھمک روچ ڈن ملکی روگ ءُ آیگ ءِ تہ ءَ گیشی بوھگ ءَ انت۔ آئی ءَ گوشت کہ ملک ءَ کاروباری چست ءُ ایر روچ پہ روچ گیش بوھگ ءَ انت۔ فیصل آباد ءَ ھمک ملک سرجمیں رنگ ءَ کار کنگ ءَ انتت، معیشت ءِ ھساب ءُ داد ءِ ٹک آنی تہ ءَ جوانی پیداک انت۔ آئی ءَ گوشت کہ مزن وزیر ملک ءِ گہتری ءِ واستہ کار کنگ ءَ انت بلے وھد ءِ دومی نیمگ ءَ اپوزیشن ءَ را چاراں گڈا یک سٹیج ءِ سر ءَ گنداں گڈا بنارسی ٹھگ آنی یات ءَ کپاں، اے دز آں ملک ءَ را پُلیتگ ءُ دولت ڈن ملک ءَ جم کتگ۔ آئی ءَ گوشت کہ ھمے اپوزیشن والا آں ملک ءَ را کباڑہ کتگ، آئی ءَ گوشت کہ اپوزیشن شر ءُ مزن وزیر خیر ءِ کشک ءِ سر ءَ انت۔
