اسلام آباد۔21اکتوبر (اے پی پی): وزیر ءِ درئی کار مخدوم شاہ محمود قریشی ءَ گوں سویڈن ءِ واستہ نامینتگیں پاکستانی سفیر ظہور احمد ءَ چار شمبے ءَ وزارت ءِ درئی کار ءَ گند ءُ نند کت۔ وزیر ءِ درئی کار ءَ بطور سفیر سویڈن نامینگ ءِ پد ءَ ظہور احمد ءَ را مبارک دات۔ وزیر ءِ درئی کار ءَ وزارت ء،درئی کار ءَ پوسٹ بوھگ ءِ ساھت ءَ ظہور احمد ءِ ازمت آناں ساڑات ءُ گوشت کہ مارا وشی بیت کہ ما سویڈن ءِ وستہ وتی بلدکاریں سفیر ءِ گچین کتگ۔ وزیر ءِ درئی کار ءَ نوکیں نامینتگیں سفیر ءَ را حکومت ءِ درئی پالیشی آناں ترجی دیگ ءِ ھوالگ ءَ ھاسیں پنت ءُ شون دات۔ نامینتگیں سفیر برائے سویڈن ظہور احمد ءَ وزیر ءِ درئی کار ءِ نیمگ ءَ جوانیں شرپ بکشاھگ ءِ پد ءُ ھاسیں پنت ءُ شون دیگ ءِ پد ءَ آئی یے شگر ءُ منت واری گپت۔
